ކޮވިޑް19 ގެ ބަލިމަޑުކަމުގެ ތެރޭގައި މަޖިލީހަށް ވަޑައިނުގެން، ކެމްޕެއިން ކުރައްވަން ވަޑައިގަންނަވާތީ ރައްޔިތުންގެ މަޖިލީހުގެ މާމިގިލި ދާއިރާގެ މެންބަރު ގާސިމް އިބްރާހީމް އަށް އަމާޒުވަމުންދާ ފާޑުކިޔުންތަކަށް ޖުމްހޫރީ ޕާޓީން ރައްދުދީފިއެވެ،
ކޮވިޑްގެ ހާލަތު އަނެއްކާ ވެސް ގޯސްވެފައި އޮތް ދަނޑިވަޅެއްގައި ގާސިމް މަންޑޫ ދާއިރާއަށް ވަޑައިގެން ކެމްޕެއިންގައި އުޅުއްވާތީ އަމާޒުވަމުންދާ ފާޑުކިޔުންތަކަށް ރައްދު ދެމުން ޖުމްހޫރީ ޕާޓީން ބުނީ ގާސިމްއަކީ އެއްވެސް ދުވަސްވަރެއްގައި ރައްޔިތުންގެ މަޖިލީހުގެ މެންބަރެއްގެ ޒިންމާއިން “ފިއްލަވައިގެން” އުޅުއްވާ ބޭފުޅެއް ނޫންކަމަށެވެ.
އެ ދުވަސްވަރަކީ ވެކްސިނެއް ވެސް ނެތް ދުވަސްވަރެއްކަން ފާހަގަކޮށް، އެ ދުވަސްވަރަކީ ރާއްޖެ އާއި މުޅި ދުނިޔެ ވެސް ފުރަބަންދުކޮށްފައިވާ ދުވަސްވަރެއް ކަން އެ ޕާޓިން ވަނީ ފާހަގަކޮށްފައެވެ.
އެ ދުވަސްވަރާއި މިއަދުގެ ހާލަތު ވަރަށް ތަފާތުކަން ފާހަގަކޮށް އެ ޕާޓީން ބުނީ އެ ޕާޓީގެ ލީޑަރު ކެމްޕެއިނަށް ވަޑައިގަންނަވަނީއެޗްޕީއޭއިން ނެރެފައިވާ އުސޫލުގެ ތެރެއިން ކޮވިޑްއަށް ޓެސްޓް ކޮށް، އެންމެން ވެސް ބަލިން ރައްކާތެރިވެފައިވާކަން ޔަގީންކުރުމަށްފަހު ކަމަށެވެ.
