މި ގޮތުން މިއަދުން ފެށިގެން ހަތް ދުވަހަށް ކޮންމެ ރެއެއްގެ 21:00އިން ފެށިގެން ފަތިހު 4:00ގެ ނިޔަލަށް ބޭރަށް ނުކުތުން މަނާކޮށްފައިވާއިރު ކޮންމެހެން ބޭރަށް ނުކުންނަން ޖެހޭ ނަމަ އައްޑޫ އެމާޖެންސީ އޮޕަރޭޝަންސް ސެންޓަރު (އީއޯސީ)ގެ ހުއްދަ ހޯދުމަށް ވަނީ އެދިފައިއެވެ.

މީގެ އިތުރުން އައްޑޫ ސިޓީ ކައުންސިލުން ވަނީ ކެފޭ ރެސްޓޯރެންޓު ފަދަ ކާބޯތަކެތީގެ ހިދުމަތްދޭ ތަންތަން ހުޅުވާފައި ބެހެއްޓޭނީ ރޭގަނޑު 21:00 ނިޔަލަށް ކަމަށާއި އެފަދަ ތަންތަނުން އީއޯސީގެ ހުއްދައާ އެކު 00:00 އާއި ހަމަޔަށް ޑެލިވަރީ ކޮށްދެވޭނެ ކަމަށް ނިންމާފައެވެ. އަދި މިހާރެކޭވެސް އެ ގޮތަށް އެއްވުންތަކާ ޕާޓީތައް ބޭއްވުން މަނާކޮށް، ގްރޭޑް ނުވައަކުން މަތީ ގްރޭޑުތަކުގެ ދަރިވަރުންނަށް ފިޔަވާ އެހެން ދަރިވަރުންނަށް ސްކޫލްތައް ބަންދު ކުރަން ވަނީ ނިންމާފައެވެ.