ފާއިތުވެ ދިޔަ 7 އަހަރު އައްޑޫގައި ހަދާފައިވާ އެންމެ މަގެއްގެ ނަން ވިދާޅުވިނަމަވެސް ސިޔާސީ މަސައްކަތްތައް ހުއްޓާލާނެކަމަށް އައްޑޫ ސިޓީ މޭޔަރުކަމަށް އެމްޑީޕީ ޓިކެޓްގައި ވާދަކުރައްވާ އަލީ ނިޒާރު ވިދާޅުވެއްޖެއެވެ.
އައްޑޫގެ ތަރައްޤީ އާއި ގުޅޭ ގޮތުން ދެ ޕާޓީގެ މެމްބަރުންގެ މެދުގައި ބަހުގެ ހަމަލާތައް ބަދަލުކުރަމުންދާއިރު. ނިޒާރު މިހެން ވިދާޅުވެފައިވަނީ ކުރީގެ ނާއިބު ރައީސް އަދި އިދިކޮޅު ކޯލިޝަންގެ އެޑްވައިޒަރު ޑރ. މުހައްމަދު ޖަމީލް އަހުމަދު ކުރެއްވި ޓުވިޓަކަށް ރައްދު ދެއްވަމުންނެވެ.
މި ގޮތުން ޖަމީލު ކުރެއްވި ޓުވިޓެއްގައި ވިދާޅުވީ ހުސް ވައުދުން އެކަނި އައްޑޫ ތަރައްޤީވާނަމަ އެމްޑީޕީއަށް މިހާރު އެކަން ކުރެވުނީސްކަމަށެވެ.”އައްޑޫ ރައްޔިތުންގެ ވިސްނުން އެހާ ކޮށި ކަމަށް ދެކެނީތޯ؟ އައްޑޫގެ ތަރައްޤީއަށް ސަރުކާރުން ގެންގުޅޭ ޕްލޭނަކީ ކާށިދޫއިން ކޮޕީ ކޮށްފައިވާ އެއްޗެއްތޯ ނުވަތަ ފިލިޕިންސްއިންތޯ؟ދިވެހި އެއްވެސް ރައްޔިތަކު ތިހާ ނިކަމެތި ކޮށްލާކަށް ނުވާނެ. އިންތިޚާބު ބޯމަތިވުމުން ރަންގަނޑަކަށް، އިންތިޚާބު ނިމުނުހާ އަވަހަކަށް ހިލަގަނޑަކަށް. މި ފަލްސަފާ ރައްޔިތުންނަށް މިހާރު މާ ބޮޑަށްވެސް އެނގޭ!” ޖަމީލު ވިދާޅުވިއެވެ.
އައްޑޫއަށް ވީކަމެއް ވެފައޮތީ އެމް.ޑީ.ޕީ އިން ކޮއްދިންކަމެއް.އަދި އައްޑޫއަށްވައުދުވެ އެ ފުއްދާނީވެސް އެމް.ޑީ.ޕީ އިން. މަނިކުފާނުގެ ފިކިރުން ރާއްޖޭގެވެރިކަމުގައި 07އަހަރު ވީއިރު އައްޑޫގައިހަދައި ނިއްމި އެއްމެ މަގެއްގެ ނަންވިދާޅުވެއްޖެނަމަ އަޅުގަޑު މިސިޔާސީ މަސައްކަތްހުއްޓާލާނަން. https://t.co/lPqCgOhmwE
— Ali Nizar (@DhekunuNizar) February 28, 2021
މި ޓުވިޓަށް ރައްދު ދެއްވަމުން ނިޒާރު ކުރެއްވި ޓުވިޓްގައި ވިދާޅުވީ ފާއިތުވެ ދިޔަ 7 އަހަރު އައްޑޫގައި ހަދާފައިވާ އެންމެ މަގެއްގެ ނަން ވިދާޅުވިނަމަވެސް ސިޔާސީ މަސައްކަތްތައް ހުއްޓާލާނެކަމަށެވެ، ” އައްޑޫއަށް ވީކަމެއް ވެފައޮތީ އެމް.ޑީ.ޕީ އިން ކޮއްދިންކަމެއް. އަދި އައްޑޫއަށް ވައުދުވެ އެ ފުއްދާނީވެސް އެމް.ޑީ.ޕީ އިން. މަނިކުފާނުގެ ފިކުރުން ރާއްޖޭގެ ވެރިކަމުގައި 07އަހަރު ވީއިރު އައްޑޫގައި ހަދައި ނިންމި އެއްމެ މަގެއްގެ ނަން ވިދާޅުވެއްޖެނަމަ އަޅުގަޑު މިސިޔާސީ މަސައްކަތް ހުއްޓާލާނަން.” ނިޒާރު ވިދާޅުވިއެވެ.
