މާލީ ގޮތުން މިފަދަ ދަތި ދުވަސް ކޮޅެއްގައި މަޖިލީސް އެއް އަހަރަށް ސަސްޕެންޑްކޮށް ބާއްވައިފިނަމަ ދައުލަތަކަށް 900 މިލިއަން ރުފިޔާ ސަލާމަތްކުރެވޭނެކަމަށް އައްޑޫ ސިޓީ މޭޔަރުކަމަށް އެމްޑީޕީގެ ޓިކެޓްގައި ވާދަކުރައްވާ އަލީ ނިޒާރު ވިދާޅުވެއްޖެއެވެ
ނިޒާރު މިހެން ވިދާޅުވީ ކޮވިޑް19ގެ ސަބަބުން ދައުލަތުގެ މާލި ހާލަތު ދަށްވެފައިވާ މި ދަނޑިވަޅުގައި އިންތިހާބު ބާއްވަން އުޅޭތީ އެކަމުގެ ކަންބޮޑުވުންފާޅުކޮށް ރައްޔިތުންގެ މަޖިލީހުގެ ހޯރަފުށީ ދާއިރާގެ އެމްޑީޕީ މެމްބަރު އަހްމަދު ސަލީމް ދެއްކެވި ވާހަކަތަކާއި ގުޅިގެންނެވެ. މި ވާހަކަތަކާއި ގުޅިގެން ނިޒާރު ކުރެއްވި ޓުވިޓްގައި ވަނީ މަޖިލީސް އެއް އަހަރު ދުވަހަށް ސަސްޕެންޑްކުރުމަށް އެއްބަސް ވެދާނެތޯ ވިދާޅުވެ ސަލީމް އާއި ސުވާލުކުރައްވާފައެވެ.
Maalee gothun mi dhathi dhuvas kolhu Majlis 01 aharah suspend koh baavaifinama dhaulathah 900 Million Rf salaamai kureveyne. Ehen ekan kuran ebbas vevidhaanetho? @SalleHoarafushi https://t.co/yW5CBixL7q
— Ali Nizar (@DhekunuNizar) January 17, 2021
ކުރިއަށް އޮތް ލޯކަލް ކައުންސުލް އިންތިހާބު ވީހާވެސް އަވަހަކަށް ބޭއްވުމަށް “ކައުންސިލް އިންތިހާބުގެ ހާއްސަ ގާނޫނަށް އިސްލާހު ގެނައުމުގެ ބިލު”ގެ އިބްތިދާއީ ބަހުސް މިއަދު ފަށާފައިވާއިރު ސަލީމް ވިދާޅުވީ އިންތިހާބެއް ބޭއްވުމަކީ ވަރަށް ހަރަދު ބޮޑު ކަމެއް ކަމަށާއި ހާއްސަކޮށް ސިއްހީ ކުއްލި ނުރައްކަލުގެ މި ހާލަތުގައި އިންތިހާބު ބޭއްވުމަކީ ވަކިން ހަރަދު ބޮޑުވާނެ ކަމެއްކަމަށެވެ.
