ވަރަށް ގިނަ މީހުން ބުނާ އަޑުއިވެއެވެ. ކެމެރާއެއް ނުވަތަ މޮޅު ފޯނެއް ގެންގުޅޭ ކޮންމެ މީހަކަށް ފޮޓޯގްރަފަރަކަށް ވެވިދާނެއެވެ. އެކަމަކު މި ވާހަކައަށް ތާއިދުކުރުމުގެ ކުރިން ބުނެލާ ހިތްވަނީ ކޮންމެ މީހަކަށްވެސް ފޮޓޯ ނެގިދާނެކަމަށެވެ. އެހެންނަމަވެސް ފޮޓޯގައި ފޮރުވިފައިވާ ސިއްރުތަކާއެކު ‘މޮޅު ފޮޓޯއެއް’ ނެގޭނީ އަސްލުވެސް އެކަމުގެ ހުނަރުހުރި މަދު ބަޔަކަށެވެ.
ތިރީގައި މިވާ ފޮޓޯ ތަކަކީ ބަލާބެލުމަށް ވަރަށް އާދައިގެ މޮޅު ފޮޓޯތެކެވެ. އެހެންނަމަވެސް މި ފޮޓޯތަކަށް ކައިރިން ބަލާލުމުން ފެންނަނީ މުޅިން އެހެން އެއްޗެކެވެ. މިއީ މޮޅު ފްޓޯގްރާފަރެއްގެ ފޮޓޯ ތޯ ނޫންތޯ އިންސާފުކޮށްލައްވާނީ ކިޔުންތެރިންނެވެ.
- ކައިވެނީގެ ހަފްލާއަކީ ކޮންމެ މީހަކަށްވެސް ވަރަށް މުހިއްމު ހަފްލާއެކެވެ. އެ ދުވަހުގެ ފޮޓޯތަކަކީ މުހިއްމު ފޮޓޯތަކެކެވެ. މަތީގައިވާ ކައިވެނި ހަފްލާގެ ފޮޓޯއިން ދެމީހުންގެ ހެދުމަށްވުރެ ބޮޑަށް ލޮލުގައި އަޅައިގަތީ ފިރިހެންމީހާގެ ‘ބޫޓެވެ”.
- މި ގެތަކަށް ބަލާލުމުން ހީވަނީ މިއީ ކާޓޫނެއްގެ ފޮޓޯތަކެއް ހެންނެވެ. ނުވަތަ ފޮޓޯޝޮޕުން އެޑީޓްކޮށްފައިވާ ފޮޓޯތަކެއްހެން ވެސް ހީވެދާނެއެވެ. އެކަމަކު މިއީ މެކްސިކޯޣެ ވިލެޖެއްގެ ފޮޓޯއެކެވެ. މީހުން ދިރިއުޅެމުންދާ މި ވެލްޖުގެ ކޮންމެ ފޮޓޯއަކުންވެސް ފެނިގެންދަނީ ހައިރާންކުރުވާ ފަދަ ފުރިހަމަ ކަމަކާއި ރީތިކަމެކެވެ.
- މި ފޮޓޯއަށް ބަލާލި ކޮންމެ މީހަކަށްވެސް ފެނިގެންދާނީ ޓެނިސް މެޗެއް ބަލަން ދިޔަ ޖޯޑެއް އެކުގައި ނަގާފައިވާ ރީތި ފޮޓޯއެކެވެ. އެހެންނަމަވެސް ފޮޓޯއަށް ކައިރިން ބަލާލުމުން އެ ފޮޓޯއިން ވަރަށް ބައިވަރު ފޮރުވިފައިވާ އިތުރު މަންޒަރުތަކެއް ފެނިގެންދެއެވެ. ފޮޓޯ އަށް ހުއްޓިލައިގެން ތިބި ދެމީހުންގެ ފަހަތުން ފެންނަން ހުރި ކުޑަފިރިހެން ކުއްޖާ ލޮލުގައި އަޅައިގަތީ ވަރަށް ކައިރިން ފޮޓޯއަށް ބަލާލުމުންނެވެ.
- އަބަދުވެސް ފޮޓޯ ނަގާއިރު ރީތި ބެކްގްރައުންޑެއްގައި ފޮޓޯ ނެގުމަކީ ކޮންމެ މީހަކުވެސް ބޮޑު އިސްކަމެއް ދޭ ކަމެކެވެ. އެހެންނަމަވެސް މި ފޮޓޯއިން ފެންނަ އަންހެން ކުއްޖާގެ ޓެޓޫއަށްވުރެ ކުރިން ލޮލުގައި އަޅައިގަތީ ބެކްގްރައުންޑުން ފެންނަ މަންޒަރެވެ.