ރާއްޖެއިން ކޮވިޑް-19 ޖެހިގެން ދިވެހި އަންހެނަކު ނިޔާވެއްޖެއެވެ.
އެޗްއީއޯސީން ވިދާޅުވީ، މިއަދު ކޮވިޑް-19 ޖެހިގެން ނިޔާވެފައި ވަނީ 64 އަހަރުގެ ދިވެހި އަންހެނެއް ކަމަށާއި އެ މީހާ ނިޔާވެފައި ވަނީ މިއަދު ހަވީރު 5:36 ހާއިރު ކަމަށެވެ. މައުލޫމާތު ލިބިފައިވާ ގޮތުގައި ނިޔާވި އަންހެން މީހާއަކީ ހުޅުމާލެ މެޑިކަލް ފެސިލިޓީގައި ފަރުވާ ދެމުން ދިޔަ މީހެކެވެ.
ރާއްޖޭގައި މި ބަލިޖެހިގެން މިހާތަނަށް 23 މީހުން މަރުވެފައިވާއިރު ބަލި ކޮންޓްރޯލްކުރުމަށް ސަރުކާރުން އަންނަނީ ގިނަ ފަޔަވަޅުތަކެއް އަޅަމުންނެވެ.
