އެމްޑީޕީ އަކީ އެ ޕާޓީގެ ހުރިހާ މެމްބަރުންގެ ވެސް ޕާޓީއެއް ކަމަށާއި ޕާޓީގައި ހިނގާ ކަންކަމަށް އެންމެންނަށްވެސް ގޮތްކިޔޭނެ ކަމަށް އައްޑޫ ސިޓީ މިދޫ ދާއިރާގެ މެމްބަރު ރޮޒައިނާ އާދަމް ވިދާޅުވެއްޖެއެވެ.
އެމްޑީޕީގެ އެތެރޭގައި ހަމަނުޖެހުންތައް ބޮޑުވެ ރައީސް އިބްރާހީމް މުހައްމަދު ސޯލިހް އަށް އެ ޕާޓީގެ ބައެއް މެމްބަރުން ‘ޖެއްސުން’ކުރަމުން ދާ މި ދަނޑިވަޅު ރޮޒައިނާ ގެންދަވަނީ ރައީސް ދިފާއުކުރައްވާ މަޖިލީހުގެ ރައީސް މުހައްމަދު ނަޝީދުއަށް ނުސީދާ ބަހުން ވަރަށް ބޮޑަށް ފާޑުވިދާޅުވަމުންނެވެ. މި ގޮތުން މިއަދު ރޮޒައިނާ ކުރެއްވި ޓުވިޓެއްގައި ވިދާޅުވީ ގައުމެއްގެ ރައީސްކަން އެއް ފަހަރާ ދެމީހުންނަށް ނުކުރެވޭނެކަމަށް ވިދާޅުވެފައެވެ.
މީގެ އިތުރުން ރޮޒައިނާ ކުރެއްވި އިތުރު ޓުވިޓެއްގައި ވިދާޅުވީ ބައެއް މީހުންނަށް ހީވެފައި އޮތީ އެމްޑީޕީއަކީ ވަކި މީހެއްގެ ނުވަތަ ވަކި އާއިލާއެއްގެ އެއްޗެއްކަމަށާއި އެހެންކަމަށްވާނަމަ އިލެކްޝަން ކޮމިޝަންގައި ސިޔާސީ ޕާޓީއެއްގެ ގޮތުގައި ރަޖިސްޓްރީކޮށްފައި ނޮއޮއްނާނެ ކަމަށެވެ. “އެމްޑީޕީ ކޮންމެ މެމްބަރަކަށްވެސް ޕާޓީގެ ހަމަ އެއް ހައްގުތަކެއް ލިބިގެންވޭ. އަދި ބަޔަކު ކިތަންމެ ރުޅިއަޔަސް އެ ހައްގުތައް ބޭނުން ކުރާނަން” ރޮޒައިނާ ވިދާޅުވިއެވެ.
MDP aky baeh meehunnah heevany vaki meehehge noony vaki aaila ehge ehchekey. Ekamu ehen nama EC ga siyaasy party eh hen register koffa eh noannaane. MDP konme member akah ves party ga hama eh haqqu thakeh libigen vey. Adhi bayaku kithanme rulhi ayas éhaqqu thakuge beynun kuraanan
— ?? ??????? ???? ? (@Roxeyna) August 13, 2020
ސިޔާސީ ދާއިރާއަށް ޑީއާރްޕީއިން ނިކުމެ ވަޑައިގެންނެވި ރޮޒައިނާ އިތުރަށް ވިދާޅުވީ އޭނާ 07 އަހަރު ވަންދެން އެމްޑީޕީ ކުރިއެރުވުމަށް ވެހުނުހާ ވާރެއަކާ ދިންހާ އައްވެއްގައި މަސައްކަތްކޮށްފައިވާނެކަމަށާއި އެހެންނަމަވެސް އެއްޗެކޭ ބުނާއިރަށް ޑީއާރްޕީއޭ ކިޔައިގެން ފަށައިގަންނަކަަމަށެވެ.
