ހިތާމަކުރުމުގެ ބަލި ނުވަތަ ޑިޕްރެޝަން އަކީ ވަރަށް އާންމު ބައްޔެކެވެ. ދިރާސާތަކުން ދައްކާ ގޮތުގައި ކޮންމެ 5 މީހުންގެ ތެރެއިން އެކަކީ އެމީހުންގެ ހަޔާތުގެ ކޮންމެވެސް ދުވަސްވަރެއްގައި ޑިޕްރެޝަން ތަހައްމަލުކޮށްފައިވާ މީހެކެވެ.
ޑިޕްރެޝަން އަކީ ދިގުދެމިގެންދާ ކަމަކަށްވެދާނެ އެވެ. ނޫނީ އައިސް، ގޮސްވާ ކަމަކަށް ވެސް ވެދާނެ އެވެ.މިއީ ބައެއް ފަހަރު އޭގެ ސަބަބުން ދިރިއުޅުމަށް ނޭދެވޭ އަސަރު ފޯރާ ބައްޔެކެވެ. ބައެއް މީހުން ދެކޭ ގޮތުން ޑިޕްރެޝަން ހުންނަ މީހަކާއި އެކު ދިރިއުޅުމަކީ ވަރަށް އުދަގޫ ކަމެކެވެ. އެހެންނަމަވެސް މީ މުޅިން ކުށް ހީއެކެވެ. ތިމާގެ ހަޔާތުގެ ބައިވެރިޔާ އަކީ ޑިޕްރެޝަން ހުންނަ މީހެއް ކަމުގައިވާނަމަ އެންމެ ފުރަތަމަ އެ ބަލީގެ އަލާމަތްތައް ދެނެގަނެ އެކަންތައްތަކަށް ފަރުވާތެރި ވެވިއްޖެނަމަ މިއީ އެ ބަލިން މީހާ ސަލާމަތްވުމަށް އެޅިގެންދާނެ ވަރަށް ބޮޑު ފިޔަވަޅެކެވެ. މި ގޮތުން ހަޔާތުގެ ބައިވެރިޔާ އަކީ ޑިޕްރެޝަން ހުންނަ މީހެއް ކަން ދެނެގަންނާނެ ގޮތްތަކަކީ:
ޑިޕްރެޝަން އިން ސަލާމަތްވުމަކީ އެއް ދުވަހުން ނުވަތަ ދެ ދުވަހުން ކުރެވޭނެ ކަމެއް ނޫނެވެ. އެކަމަަށް ވަގުތާއި، އެހެން މީހުންގެ އަޅާލުމާއި އެހީތެރިކަމާއި ލޯބި ބޭނުންވެއެވެ. މިބައްޔަށް ފަރުވާކުރުމުގައި މި ބަލި ކުރިމަތިވީ ކީއްވެގެންކަން އެނގުމާއި، ނަފްސާނީގޮތުން އައިސްފައިވާ ބަދަލުތަކަށް ސަމާލުކަން ދިނުން މުހިއްމެވެ.
