ޕީޕީއެމްގެ އަހަރީ ރިޕޯޓު އިސްލާހުކޮށް އެ ކޮމިޝަނަށް ހުށަހަޅާފައިވުމުން އެ ޕާޓީވެސް ހިމެނޭ ގޮތަށް ފައިސާ ދޫކުރުމަށް ނިންމާފައިވަނީ އެމްޑީޕީ އާއި ޖޭޕީ އަދި އެމްޑީއޭއަށެވެ. މި ހަތަރު ޕާޓީއަށް ދައުލަތުގެ ބަޖެޓުން ޖުމްލަ 26،278،073ރ (ސައްބީސް މިލިއަން ދެލައްކަ ހަތްދިހަ އަށްހާސް ހަތްދިހަ ތިންރުފިޔާ) ދޫކުރުމަށް ނިންމާފައިވާއިރު އީސީ އިން ފިނޭންސްގައި އެދިފައިވަނީ އެ ޕާޓީތަކުގެ ޖޫރިމަނާއަށްވާ 155000ރ އުނިކުރުމަށް ފައިސާ ދޫކޮށްދިނުމަށެވެ.

އިލެކްޝަންސް ކޮމިޝަނުން ޕާޓީތަކަށް ފައިސާ ދޫކުރަން ނިންމާފައިވަނީ އެ ޕާޓީތަކުގައި ރަޖިސްޓަރީވެފައިވާ މެންބަރުންގެ ނިސްބަތަށް ބަލައިގެންނެވެ.މި އަހަރުގެ ބަޖެޓުން އެންމެ ގިނައިން ފައިސާ ލިބެނީ އެމްޑީޕީއަށެވެ. އެ ޕާޓީއަށް 12 މިލިއަން ރުފިޔާ ލިބޭއިރު ދެ ވަނަ އަށް އެންމެ މެމްބަރުން ގިނަ ޕީޕީއެމަށް ނުވަ މިލިއަން ރުފިޔާ ލިބެ އެވެ. ޖޭޕީ އަދި އެމްޑީއޭ އަށް ލިބެނީ ދެ މިލިއަން ރުފިޔާ އެވެ.