އެސްޓީއޯއިން ވިއްކާ ޑީސެލާއި ޕެޓްރޯލްގެ އަގު މިއަދުން ފެށިގެން ހެޔޮކޮށްފި އެވެ
މިއަދު ހެޔޮކޮށްފައިވަނީ ޑީސަލް ލިޓަރަކުން ދެ ރުފިޔާ އަދި ޕެޓްރޯލް ލިޓަރަކުން އެއް ރުފިޔާއެވެ.މިއަދު މިގެނައި ބަދަލާއެކު ދެން ޑީސަލް ލިޓަރެއް ވިއްކާނީ 9.99ރ. އަށެވެ. އަދި ޕެޓްރޯލް ލީޓަރެއް ވިއްކާނީ 10.19ރ. އަށެވެ
މިއީ އެސްޓީއޯއިން މިއަހަރު ތެލުގެ އަގަށް ބަދަލުގެނައި ފުރަތަމަ ފަހަރުކަމަށްވާއިރު މިއީ އެސްޓީއޯއިން މި ފަހުގެ ތާރީހުގައި ތެލުގެ އަގު އެންމެ ބޮޑަށް ހެޔޮ ކުރި ފަހަރެވެ
ދުނިޔޭގެ ބާޒާރުގައި މިހާރު ސާފު ނުކުރާ ތެޔޮ ފީފާއެއްގެ އަގު އުޅެނީ 70 ޑޮލަރަށެވެ.
