މާލެގައި ސުވިމިންޕޫލެއް އެޅުމުގެ މަސައްކަތް ކުރިއަށް ގެންދިއުމަށް ރައްޔިތުންގެ ހިޔާލު ހޯދުމަށް މާލޭ ސިޓީކައުންސިލުން ނިންމައިފިއެވެ
މިއަދު ސިޓީ ކައުންސިލް އިން ކޮށްފައިވާ އިއުލާނުގައި ބުނެފައިވަނީ މާލޭ ސިޓީގައި ސުވިމިންޕޫލެއް އެޅުމަށް ހިޔާލުހޯދުމަށް ނިންމާފައިވަނީ މިނިސްޓްރީ އޮފް ޔޫތް ސްޕޯޓްސް އޮން ކޮމިއުނިޓީ އެމްޕަވަރމަންޓު ގެ ފަރާތުން އެ ކައުންސިލަށް ހުށަހަޅާފައިވާތީކަމަށެވެ
ކައުންސިލް އިން ބުނެފައިވަނީ ސުވިމިންޕޫލް އެޅުމާއި ގުޅޭގޮތުން ހިޔާލު ހޯދުމަށް ބުދަ ދުވަހުގެ ރޭ 20:30 ގައި އިސްކަންދަރު ސްކޫލު ހޯލުގައި ބައްދަލުވުމެއް ބޭއްވުމަށް ނިންމާފައިވާކަމަށެވެ
މީގެ އިތުރުން މާލެ ކައުންސިލުން ބުނެފައިވަނީ ސުވިމިން ޕޫލުގެ އިތުރުން މާލޭ އެކި ސަަރަހައްދުތަކުގައި ކަސްރަތުކުރުމަށް ޖިމް އެކުއިޕްމަންޓު ބެހެއްޓުމަށްވެސް ޔޫތް މިނިސްޓްރީން މަސައްކަތްކުރަމުން އަންނަކަމަށެވެ
