ރާއްޖެ ތަރައްގީކުރުމުގެ ގާބިލްކަން އިދިކޮޅު ސިޔާސީ ފަރާތްތަކުގެ ނެތްކަމަށް ރައީސުލްޖުމްހޫރިއްޔާ އަބްދުﷲ ޔާމީން އަބްދުލް ގައްޔޫމް ވިދާޅުވެއްޖެއެވެ
ރ. އުގޫފާރުގައި ބޭއްވި ޖަލްސާގައި ވާހަކަދައްކަވަމުން ޔާމީން ވިދާޅުވީ ތަރައްގީގެ ވާހަކަ އެ މަނިކުފާނުވެސް ދައްކަވާތީ އިދިކޮޅު ކޯލިޝަންގެ ކެންޑިޑޭޓް އިބްރާހީމް މުހައްމަދު ސޯލިހް(އިބޫ) އެ ވާހަކަދައްކަވަނީކަމަށެވެ.މީގެ އިތުރުން ޔާމީން ވިދާޅުވީ އިދިކޮޅު ފަރާތްތަކަށް ތަރައްގީގެ ވާހަކަދެއްކި ދާނެކަމަށާއި، ކުރު މުއްދަތަކަށް ވެރިކަމަށް ވަޑައިގަންނަވާ ބޭފުޅަކަށް ތާކުންތާކު ނުޖެހޭ ވާހަކަ ދެއްކުން ނޫންކަމެއް ނުކުރެވޭނެ ކަމަށެވެ
އިދިކޮޅު ފަރާތްތަކުން ޔާމީން ލޯނު ނަގައިގެން ގައުމު ދަރަނިވެރިކުރުވަނީ ކަމަށް ބުނެ ދައްކަމުންދާ ވާހަކައަށް ރައްދު ދެއްވަމުން ރައީސް ވިދާޅުވީ ތަރައްގީ ގެންނަން އިދިކޮޅު ފަރާތްތަކަށް ވެސް ލޯނު ނަގަން ޖެހޭނެ ކަމަށެވެ.
