މިއަންމާ ސިފައިންގެ ވެރިޔާ އާއި އެ ގައުމުގެ ސިފައިންގެ އިސްވެރިންތަކެއްގެ ފޭސްބުކް އެކައުންޓް ބަންދުކުރަން ނިންމައިފި އެވެ
މިއަންމާ ސިފައިންގެ ވެރިޔާ ޖެނެރަލް މިން އައުންގް ހުލައިން ހިމެނޭ ގޮތަށް މިއަންމާ ސިފައިންގެ ޖެނެރަލުންތަކެއް ފޭސްބުކުން ބޭރުކޮށްލަނީ ނަފްރަތާއި ދޮގު މައުލޫމާތު ފެތުރުން ހުއްޓުވަން ކަމަށް ފޭސްބުކް އިންވަނީ ހާމަކޮށްފައެވެ. މީގެ އިތުރުން 52 ފޭސްބުކް ޕޭޖް ބަންދުކުރާން ނިންމާފައިވާއިރު މި ޕޭޖްތައް 12 މިލިއަން މީހުން ފޮލޯ ކުރެ އެވެ
މިއަންމާ ސިފައިން ރަކީން ސްޓޭޓުގައި ރޮހިންޖާ މުސްލިމުންނާ ދެކޮޅަށް ޖަރީމާތައް ހިންގި އިރު އެކި އެކި މެސެޖްތައް އާއްމުކުރަން ސިފައިންނާއި ސިފައިންގެ ވެރިޔާ ފޭސްބުކް ބޭނުންކޮށްފައިވާއިރު މިއަންމާ ސިފައިންގެ ވެރިޔާގެ އިންސްޓަގްރާމް އެކައުންޓް ވެސް މަނާކުރަން ވަނީ ނިންމައިފަ އެވެ.
