ކުރީގެ ރައީސް މައުމޫން އަބްދުލްގައްޔޫމްއާ ދެކޮޅަށް އުފުލާފައިވާ ޓެރަރިޒަމްގެ އަޑުއެހުމެއް ދުވަސްތަކަކަށްފަހު، މިއަދަށް ތާވަލު ކުރުމަށްފަހު ކެންސަލްކޮށްފި އެވެ
އަދުގެ އަޑުއެހުން ކެންސަލްކުރި ސަބަބެއް ސާފުވެފައިނުވާއިރު އޭގެ ތަފްސީލެއް ކޯޓުން ނުދެއެވެ
ރައީސް މައުމޫންގެ މައްޗަށް ކުރާ ދައުވާގައި ބުނެފައިވަނީ، 30 އަހަރު ވެރިކަން ކުރައްވައި، ޕީޕީއެމްގެ އިސް މަގާމެއްގައި ހުންނަވައިގެން އެކި ފަހަރު މަތިން ފަނޑިޔާރުންނަށް ނުފޫޒު ފޯރުވައިގެން ވަކި ގޮތަކަށް ހުކުމްތައް ނެރުމަށް ރައީސް މައުމޫން އުޅުއްވާފައިވާ ކަމަށެވެ.
ފެބުރުއަރީ މަހުގެ ފަސްވަނަ ދުވަހު ރައީސް މައުމޫން ކުއްލި ނުރައްކަލުގެ ހާލަތުގެ ދަށުން ހައްޔަރުކުރީ ސަރުކާރު ވައްޓާލަން އުޅުމުގެ ތުހުމަތުގައި ޓެރަރިޒަމްގެ ދައުވާ އުފުލައި އެ ޝަރީއަތް ނިމެންދެން ބަންދުގައި ބަހައްޓާފައެވެ
