އެމްޑީޕީގެ ރިޔާސީ ކެންޑިޑޭޓް ކަނޑައަޅަން އެ ޕާޓީން އިއްޔެ ބޭއްވި ޕްރައިމަރީ ބަލައިނުގަންނާނެ ކަމަށް އިލެކްޝަންސް ކޮމިޝަން (އީސީ) އިން ބުނެފި އެވެ
އިލެކްޝަން ކޮމިޝަނުން ބުނެފައިވަނީ ވޯޓުލުން ބޭއްވީ، ގާނޫނާ ޚިލާފު އަމަލެއް ނުހިންގަން ތަކުރާރުކޮށް އިލެކްޝަންސް ކޮމިޝަނުން އަންގާފައި ވަނިކޮށް ގާނޫނުތަކާއި ހިލާފަށް ކަމަށެވެ. އަދި އެ މައްސަލައާއި ގުޅިގެން ފިޔަވަޅު އެޅުމަށް އަންނަ އާދިއްތަ ދުވަހު ގޮތެއް ނިންމާނެކަމަށް އެ ކޮމިޝަނުންވަނީ ބުނެފައެވެ
އިލެކްޝަންސް ކޮމިޝަނުން ބުނެފައިވާ ގޮތުގައި އެމްޑީޕީއާ މެދު ފިޔަވަޅު އަޅަނީ ސިޔާސީ ޕާޓީގެ ގާނޫނުގެ 31 ވަނަ މާއްދާ (ހައި ކޯޓަށް ހުށަހަޅައިގެން ޕާޓީ އުވާލެވޭނެ ހާލަތްތައް) އާއި 49 ވަނަ މާއްދާ (ޕާޓީ ޖޫރިމަނާ ) ގެ ދަށުންނެވެ
