ބޮލީވުޑް އެކްޓަރު އަރްޖުން ރާމްޕާލް އާއި އޭނާގެ އަނބިމީހާ މެހެރް ރާމްޕާލްގެ 20 އަހަރުވީ ކައިވެނި ނިމުމަކަށް ގެނެސް ދެމީހުން ވަކިވެއްޖެއެވެ
އަރުޖުން އާއި މެހެރް ގެ ދެމެދުގައި މައްސަލަތަކެއް ޖެހިގެން އުޅޭ ކަމަށް ހަބަރުތައް ބުނެފައިވާއިރު މިކަމާއި ގުޅިގެން ދެމީހުން ނެރުނު ބަޔާނެއްގައި ބުނެފައިވަނީ އެ ދެމީހުން ދޭތެރޭ އެއްވެސް ރުޅިވެރިކަމެއް ނެތް ކަމަށާއި ވަކިވާން ނިންމި ނިންމުމަކީ މި ވަގުތު ދެމީހުންނަށްވެސް ރަގަޅަކަށް ނިންމި ނިންމުމެއް ކަމަށެވެ
މީގެ އިތުރުން މި ދެތަރިން ބުނެފައިވަނީ ވަކިވާން ޖެހުމަކީ ވަރަށް ހިތްދަތި ތަޖުރިބާއެއް ކަމަށާއި އެހެންނަމަވެސް ދެމީހުންވެސް އެކަކު އަނެކަކަށް އިހްތިރާމްކޮށް ދަރިންގެ ކަންތައްތަކުގައި އެކަކު އަނެކަކަށް އެހީތެރިވެދާނެ ކަމުގައެވެ
އަރުޖުން އާއި މެހެރް ވަކިވާން ނިންމި ސީދާ ސަބަބު ދެ މީހުންވެސް ހާމަކޮށްފައެއް ނުވެއެވެ
