އެމްޑީޕީއިން މިއަހަރުގެ ރިޔާސީ އިންތިހާބުގައި ވާދަކުރާނެ ކެންޑިޑޭޓަކު ހޮވުމަށް ބާއްވާ ޕްރައިމަރީގައި ވާދަކުރެއްވުމަށް ކުރީގެ ރައީސް މުހައްމަދު ނަޝީދު ފޯމް ހުށަހަޅުއްވައިފިއެވެ
ޕްރައިމަރީގައި ވާދަކުރެއްވުމަށް ހުށަހަޅަންޖެހޭ ފޯމާއި ނަޝީދަށް ތާއީދުކުރާ ޕާޓީގެ ގިނަ އަދަދެއްގެ މެމްބަރުންގެ ތާއީދު ފޯމު ހުށަހެޅުއްވީ އެމަނިކުފާނުގެ ކެމްޕެއިން މެނޭޖަރު އަދި ރައްޔިތުން މަޖިލީހުގެ ހިތަދޫ އުތުރު ދާއިރާގެ މެމްބަރު މުހައްމަދު އަސްލަމެވެ. އެމްޑީޕީގެ ފަރާތުން އެ ފޯމްތަކާއި ހަވާލުވެވަޑައިގަތީ އެ ޕާޓީގެ ޗެއާޕާސަން ހަސަން ލަތީފެވެ
އެމްޑީޕީގެ ރިޔާސީ ޕްރައިމެރީ މި މަހުގެ 30 ވަނަ ދުވަހު ބާއްވަން ނިންމާފައިވާއިރު، ޕްރައިމެރީގައި ވާދަކުރައްވާނެކަމަށް އަދި ހާމަކުރައްވާފައިވަނީ މުހައްމަދު ނަޝީދު އެކަންޏެވެ
