ގއ. ކޮލަމާފުށީ ކައުންސިލް އިދާރާ ފަޅާލުމަށްފަހު ފައިސާވަގަށް ނެގި މައްސަލައިގައި މީހަކު ހައްޔަރުކޮށްފިއެވެ.
މުވައްޒަފުންގެ ރޯދަ އިނާޔަތުގެ ފައިސާ ބަހައްޓާފައި ހުރި ތިޖޫރި ފަޅާލައި އެ ފައިސާތައް ވަގަށް ނެގި މައްސަލައިގައި ހައްޔަރުކޮށްފައިވަނީ އުމުރުން 27 އަހަރުގެ ފިރިހެނެކެވެ
މި ވައްކަމާ ގުޅިގެން ފުލުހުންގެ މީޑިއާ އޮފިޝަލް ވަނީ ކޯޓް އަމުރެއްގެ ދަށުން 27 އަހަރުގެ ފިރިހެނަކު ކޮލަމާފުށިން ރޭ ހައްޔަރުކޮށްފައިވާ ކަން ކަށަވަރުކޮށްދީފައެވެ
އުންސިލް އިދާރާއިން ބުނެފައިވަނީ، ރޯދަ އިނާޔަތުގެ ގޮތުގައި އެތަނުގެ މުވައްޒަފުންނަށް ދިނުމަށް ކަނޑައަޅާފައިވާ 122000 ރުފިޔާ ވަގަށް ނަގާފައިވާއިކަމަށާއި ތިޖޫރީގައި ރޯދަ އިނާޔަތަށް ދޭން ކަޑައަޅާފައިވާ ފައިސާގެ އިތުރުން އެހެން ފައިސާތައްވެސް ހުންނާނެކަމަށެވެ
