ޖަލު ހުކުމް ތަންފީޒުކުރައްވަމުން ގެންދަވާ ކުރީގެ ނައިބު ރައީސް އަހުމަދު އަދީބަށް އާއިލާއާ ބައްދަލުކުރުމުގެ ފުރުސަތު މިއަދު ދީފި އެވެ
އަދީބަށް މިއަދު މި ފުރުސަތު ދީފައިވަނީ، އާއިލާއާ ބައްދަލުކުރަން ފުރުސަތު ދިނުން މެދުކަނޑާލިތާ ދެމަސް ފަހުންނެވެ. އަދީބު އާއި ބައްދަލުކުރުމުގެ އިންތިޒާމުތައް ކަރެކްޝަނަލް ސާވިސް އިން ހަމަޖައްސައިދީފައިވަނީ އަދީބުގެ އަނބިކަނބަލުން މަރިޔަމް ނަޝްވާ އާއި އަދީބުގެ މަންމަ އާއި އާއިލާގެ ދެ މީހަކަށެވެ
އަދީބަށް އާއިލާއާ ބައްދަލުކުރެއްވުމުގެ ފުރުސަތު ނުދީގެން އޭނާގެ އާއިލާއިން ގިނަ ޝަކުވާތަކެއް ކޮށްފައިވާއިރު އެ މައްސަލަ އާއިލާގެ ފަރާތުން އެޗްއާރުސީއެމަށް ވެސް ހުށަހެޅިއެވެ
33އަހަރުގެ ޖަލު ހުކުމެއް އިއްވާފައިވާ އަދީބު އަށް އާއިލީ ބައްދަލުވުންތައް ނުދިނަސް، ވަކީލުންނާ ބައްދަލުކުރެއްވުމުގެ ފުރުސަތު ދޭތެރެ ދޭތެރެއިން ލިބިވަޑައިގަނެ އެވެ
