މި ނިމުނު އަހަރުގެ މާލީ ބަޔާން ހުށަހަޅަން ޖެހޭ މުއްދަތު ފާއިތުވެގެން ދިޔަ އިރު، މާލީ ބަޔާން ހުށަހަޅާފައިނުވާ 5 މެމްބަރުންނަށް މަޖިލީހުން ނޯޓިސް ދީފިއެވެ.

މާލީ ބަޔާން ހުށަހަޅަން ޖެހޭ ސުންގަޑި މިދިޔަ ބުރާސްފަތި ދުވަހަށް ހަމަވި އިރު 88 މެންބަރުން ވަނީ މާލީ ބަޔާން ހުށަހަޅާފައެވެ. މާލީ ބަޔާން ހުށަހަޅާފައިނުވާ 5 މެންބަރުންނަކީ:

AD

• ފޭދޫ އުތުރު ދާއިރާގެ މެންބަރު އިސްމާއީލް ނިޒާރު (ޕީއެންސީ)
• މައްޗަންގޮޅި މެދު ދާއިރާގެ މެންބަރު އަހުމަދު ޒަމީރު (ޕީއެންސީ)
• ކުރެންދޫ ދާއިރާގެ މެންބަރު މުހައްމަދު ޝާމިން ހަބީބް (ޕީއެންސީ)
• މާފަންނު ހުޅަނގު ދާއިރާގެ މެންބަރު މުހައްމަދު މުސްތަފާ އިބްރާހީމް (ޕީއެންސީ)
• މާފަންނު އުތުރު ދާއިރާގެ މެންބަރު މުހައްމަދު ނާޒިމް (އެމްއެންޕީ)

ރައްޔިތުންގެ މަޖިލީހުގެ މީޑިއާ އޮފިސަރު ވިދާޅުވީ މި މަހު 15 ގެ ކުރިން މާލީ ބަޔާން ހުށަހެޅުމަށް އެ މެންބަރުންނަށް އަންގައި މި މަހުގެ 1، ގައި ނޯޓިސް ދީފައިވާ ކަމަށެވެ. ނޯޓިސް ފޮނުވުމަށްފަހުވެސް މާލީ ބަޔާން ހުށަނާޅާނަމަ ގަވައިދުގައިވާ ގޮތުން ދެން އަމަލުކުރަނީ، އެންމެ އަވަހަށް އޮންނަ މަޖިލީހުގެ ޖަލްސާގައި މާލީ ބަޔާން ހުށަނަޅާނާ މެންބަރުގެ ނަން އިއްވައި މަޖިލީހުން ނެރުމެވެ.