އައްޑޫސިޓީ ކައުންސިލުން އަޟްހާ ޢީދާއި ގުޅިގެން މުޅިސިޓީއަށް ހުޅުވާލައިގެން ބައިބަލާ މުބާރާތެއް ކުރިއަށް ގެންދިއުމަށް ނިންމާ، މުބާރާތުގައި ބައިވެރިވުމުގެ ފުރުސަތު ހުޅުވާލައިފިއެވެ.
އައްޑޫސިޓީ ކައުންސިލުން އަޟްހާ ޢީދާއި ގުޅިގެން މުޅި ސިޓީއަށް ހުޅުވާލައިގެން ބާއްވާ “އައްޑޫ ޢީދި ސަމާ 1443” ގެ ތެރެއިން ކުރިއަށް ގެންދާ ބައިބަލާ މުބާރާތުގައި ބައިވެރިވުމުގެ ފުރުސަތު ސަރުކާރުގެ އިދާރާތަކާއި އޮފީސްތަކަށް ވަނީ ހުޅުވާލާފައެވެ.
ހިތަދޫ އިޖުތިމާޢީ މަރުކަޒުގެ ގޯތި ތެރޭގައި ކުރިއަށް ގެންދިއުމަށް ހަމަޖެހިފައިވާ މު މުބާރާތުގައި ބައިވެރިވާން ބޭނުންވާ ފަރާތްތަކުން 30 ޖޫން 2022 ވާ ބުރާސްފަތި ދުވަހުގެ ހަވީރު 18:00 ގެ ކުރިން އެމަރުކަޒަށް ވަޑައިގެން މަޢުލޫމާތު ސާފުކުރުމަށް ސިޓީ ކައުންސިލުން ވަނީ އެދިފައެވެ.
މީގެ އިތުރުން އައްޑޫ ސިޓީ ކައުންސިލުން ވަނީ “އައްޑޫ ޢީދި ސަމާ 1443” އިތުރަށް ކުލަގަދަކުރުމަށްޓަކައި އައްޑޫގެ ވީހާވެސް ގިނަ ބަޔަކު ބައިވެރިވުމަށް އެދިފައެވެ.
