ބޮޑު އަގުގައި ދަތުރުކުރާނަމަ ފިޔަވަޅު އަޅާނެ ކަމަށް ބުނެ ޓްރާންސްޕޯޓް މިނިސްޓްރީން އިންޒާރުދީފައި ވަނިކޮށް، ޓެކްސީ ޑްރައިވަރުން އަގު ބޮޑުކޮށް ދަތުރުކުރަން ފަށައިފިއެވެ.
ޓެކްސީ ޑްރައިވަރުން އަގުބޮޑުކޮށް ދަތުރުތައް ފަށާފައިވަނީ، ޓެކްސީގެ ދަތުރުތަކުގެ އަގު ބޮޑުކުރަން ޓެކްސީ ޑްރައިވަރުން އެދުނު އެދުމަށް ސަރުކާރުން ޖަވާބެއް ނުދިނުމާއި ގުޅިގެންނެވެ. ޓެކްސީ ޑްރައިވަރުން ވަނީ މި މަހުގެ 10 ވަނަ ދުވަހުގެ ނިޔަލަށް ސަރުކާރަށް ޖަވާބެއް ދޭން ފުރުސަތު ދީފައެވެ. އެހެންނަމަވެސް ސަރުކާރުން އެކަމަށް އިޖާބަ ދީފައިނުވާތީ ދެ ދުވަސްވަންދެން ދަތުރުތައް ހުއްޓާލުމަށްފަހު ޑްރައިވަރުންވަނީ މުޒާހަރާކޮށްފައެވެ. އަދި ދަތުރުތަކުގެ އަގު ބޮޑުކުރަން ސެންޓަރުތަކުން އިއްތިފާގުވީ އަގުގައި ދަތުރު ކުރަން މިއަދުވަނީ ނިންމާފައެވެ.
ބޮޑުކުރި އަގުތައް ޓެކްސީތަކުގައި ޕަސިންޖަރުންނަށް ފެންނަ ގޮތަށް ބަހައްޓަން ހުރިހާ ޑްރައިވަރުންނަށް އިރުޝާދު ދީފައިވާއިރު ޓެކްސީގައި ދަތުރުކުރާ ކޮންމެ މީހަކީ އެ އަގަށް އެއްބަސްވެގެން ދަތުރުކުރާ މީހަކަށް ވާތީ އެކަމާ ސަރުކާރަށް ނުބެހެވޭނެ ކަމަށް ޑްރައިވަރުން ވަނީ ބުނެފައެވެ.
މިއަދުން ފެށިގެން ޓެކްސީ ދަތުރުތައް ކުރުމަށް ހަމަޖެހިފައިވާ އަގުތަކަކީ
ޓެކްސީ ޑްރައިވަރުންގެ މި ނިންމުމާއި ގުޅިގެން މިހާތަނަށް ކަމާއި ގުޅޭ އެއްވެސް އިދާރާއަކުން، އެއްވެސް މައުލޫމާތެއް ހާމަކޮށްފައެއް ނުވެއެވެ.
