ގދ. ގައްދޫ މަގުތަކުގައި ތާރު އެޅުމަށް ބޭނުންވާ މެޝިނާއި ވެހިކަލްތައް އެރަށަށް މިހާރު ގެންގޮސްފައިވާ ކަމަށް އެ މަސައްކަތްކުރާ ކުންފުނި ރޯޑް ޑިވެލޮޕްމަންޓް ކޯޕަރޭޝަން (އާރުޑީސީ) އިން ބުނެފިއެވެ.
އެ ކުންފުނިން ބުނީ މި މަޝްރޫޢުގައި މިހާރުކުރިއަށްދަނީ މަސައްކަތް ކުރާ ސައިޓް ސާފުކުރުމާއި ތާރައިގެ މަސައްކަތް ކުރާ މީހުން މޮބިލައިޒް ކުރުމުގެ މަސައްކަތް ކަމަށެވެ.
ގައްދޫ މަގުތަކުގައި ތާރަ އެޅުމަށް ބޭނުންވާ މެޝިނަރީތަކާއި ވެހިކަލްތައް ރޭ ވަނީ އެ ރަށަށް ގެންގޮސްފައި. ރަށުގައި މިހާރު ކުރިއަށްދަނީ މަސައްކަތް ކުރާ ސައިޓް ސާފުކުރުމާއި ތާރައިގެ މަސައްކަތް ކުރާ މީހުން މޮބިލައިޒް ކުރުމުގެ މަސައްކަތް.#ޓީމްއާރުޑީސީ pic.twitter.com/QVFPrOrEAW
— Road Development Corporation Ltd (@rdcmaldives) March 6, 2022
އެރަށުގެ މަގުތައް ޒަމާނީ ފެންވަރަކަށް ހެދުމުގެ މި މަޝްރޫއުގައި ގައްދޫގެ ރިންގްރޯޑް ހިމެނޭގޮތަށް 6 މަގެއް ޒަމާނީ ފެންވަރަށް ތާރު އަޅައިގެން ހެދުމަށް ނިންމާފައިވެއެވެ.
އެގޮތުން 6 ކިލޯމީޓަރުގެ މަގު ހެދުމަށް ނިންމާފަިއވާ އިރު، މި މަޝްރޫއުގެ މަސައްކަތް ހަވާލުކޮށްފައިވަނީ 510 ދުވަހުގެ ތެރޭ ނިންމާ ގޮތަށެވެ.138 މިލިއަން ރުފިޔާގެ މި މަޝްރޫއު އާރުޑީސީން ފަށާފައިވަނީ، 17 ފެބްރުއަރީ 2020 ގައެވެ.
