ޝަހީދުންގެ ދުވަސް ޤައުމީ ފެންވަރުގައި ފާހަގަ ކުރުމަށް ފުވައްމުލައް ސިޓީގައި ހިންގާ ހަރަކާތްތަކުގެ ތެރެއިން “ސާފު ފުވައްމުލައް” ކެމްޕޭން އިފްތިތާހުކޮށްފިއެވެ.
އިއްޔެ ހެނދުނު ފުވައްމުލަކު ތޫނޑު ސަރަހައްދުގައި އޮތް މި ރަސްމިއްޔާތު ޝަރަފުވެރިކޮށްދެއްވީ މިނިސްޓަރ، ސްޓޭޓް ފޯރ ހޯމް އެފެއަރޒް އަލީ ނަޛީރު އާއި ފުވައްމުލައް ސިޓީ މޭޔަރު އިސްމާއީލް ރަފީޤު އެވެ. މި ރަސްމިއްޔާތުގައި ވަނީ “ސާފްފުވައްމުލައް” ބޯޑް ޖެހުން ވެސް އިފްތިތާހުކޮށްފައެވެ.
ޝަހީދުންގެ ދުވަސް ފާހަގަކުރުމަށް ފުވައްމުލައް ސިޓީގައި ގިނަ ހަރަކަތާތްތަކެއް ހިންގަމުން އަންނައިރު މި ދުވަސް ފާހަގަކުރުމަށް ގިނަ ތައްޔާރީތަކެއްވެސް އަންނަނީ ވަމުންނެވެ. މި ގޮތުން މިދިޔަ މަހުގެ 26 ވަނަ ދުވަހު ފުވައްމުލައް ސިޓީ ތާރު މަގު ސާފުކުރުމުގެ ހަރަކާތެއްވެސް ވަނީ ކުރިއަށް ގެންގޮސްފައެވެ،
