ރަޝިއާ އާއި ޔޫކްރޭންގެ އިތުރުން އެ ގައުމުތަކާއި ކައިރި ގައުމުތަކުގައި ތިބި ދިވެހިންގެ މައުލޫމާތު ހިއްސާކުރުމަށް ސަރުކާރުން އެދިއްޖެއެވެ.
ރާޝިއާ އާއި ޔޫކްރޭންގެ ހަމަނުޖެހުން ބޮޑުވެ، ވަރުގަދަ ހަގުރާމާއެއް ފެށިދާނެކަމުގެ ކޮޅުމަތި ފެންނަން ފަށާފައިވާއިރު، ފޮރިން މިނިސްޓްރީން ވަނީ ރަޝިއާއާއި ބެލަރޫސް އަދި ޔޫކްރޭންގައި ތިބި ދިވެހިން އެ ތަނުގައި ތިބި ކަން ކައިރީގައި ހުރި އެމްބަސީތަކާއި ކޮންސިއުލޭޓްތަކުގެ އިތުރުން ފޮރިން މިނިސްޓްރީއަށް އެންގުމަށް ވަނީ އެދިފައެވެ.
ފޮރިން މިނިސްޓްރީން ވަނީ މި ގައުމުތަކުގައި ތިބި ދިވެހިން ކުރިއާލާ އެ ކަން އެންގުން، ސަރުކާރުން ދޭން ޖެހޭ އެއްބާރުލުމާއި އެހީތެރިކަން ދޭން ފަސޭހަވާނެކަމަށްވެ.
ސަރުކާރުން ހާމަކުރާ މައުލޫމާތުގައި ޔޫކްރޭންގައި ތިބި ދިވެހިންގެ އަދަދަށް ބަދަލުތަކެއް އައިސްފައިވާއިރު އެކަމާއި ގުޅިގެން މިނިސްޓްރީގެ މީޑިއާ ޑިރެކްޓަރު މިއުވާން މުހައްމަދު ވިދާޅުވީ ޔޫކްރޭންގައި ތިބި ދިވެހިންގެ އަދަދަށް ބަދަލުތަކެއް އައީ ކުރިން ތިބި ކަން ނޭނގޭ ބަޔެއްގެ މައުލޫމާތު ފަހުން ލިބުމުން ކަމަށެވެ.
