ބަރުލާމާނީ ނިޒާމަށް ތާއީދު ކުރާ ގިނަ ބަޔަކު އެމްޑީޕީގެ ގައުމީ މަޖިލީހަށް އިންތިޚާބުވެފައިވާ ކަމަށް އެމްޑީޕީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވިދާޅުވެއްޖެއެވެ.
އިއްޔެ ބޭއްވި އެމްޑީޕީގެ އެތެރޭގެ އިންތިހާބުގައި 455 މަގާމަކަށް 700 އަށް ވުރެ ގިނަ ކެންޑިޑޭޓުން ވާދަކޮށްފައިވާއިރު، މިއީ މިހާތަނަށް އެ ޕާޓީން ބޭއްވި އެންމެ ފޯރިގަދަ އެއް އިންތިހާބެވެ. އިންތިހާބުގެ ވަގުތީ ނަތީޖާތައް އިއުލާންކޮށްފައިވާއިރު، ރައީސް ނަޝީދު ކުރެއްވި ޓުވިޓެއްގައި ވިދާޅުވީ ބަރުލަމާނީ ނިޒާމަށް ތާއިދުކުރާ ގިނަ ކެނޑިޑޭޓުން އެމްޑީޕީގެ ގައުމީ މަޖިލީހަށް އިންތިހާބުވުމަކީ ރާއްޖެއަށް ލިބުނު ކުރިއެރުމެއް ކަމަށެވެ.
Barulamaanee nizam ah thaaidhu kuravva gina candidatun MDP ge Qaumee Majlis ah inthikhaab vikamee Raajje ah libunu kurierumeh
— Mohamed Nasheed (@MohamedNasheed) September 26, 2021
ރައީސް ނަޝީދު މިހެން ވިދާޅުވެފައިވާއިރު، މި ފަހަރުގެ އިންތިހާބު ބޭއްވިގެން ދިޔައި އެމްޑީޕީ ދެ ފެކްޝަނަކަށް ބެހި، ދެ ރައީސުންގެ މެދުގައި ވާދަވެރިކަން އިތުރުވެފައިވާ ދަނޑިވަޅެއްގައެވެ. އެމްޑީޕީގެ އިންތިހާބުގެ ވަގުތީ ނަތީޖާ ދައްކާ ގޮތުން، މެޖޯރިޓީ ލިބިފައިވަނީ ރައީސް އިބްރާހީމް މުހައްމަދު ސޯލިހްގެ ފެކްޝަނަށެވެ.
