ދިވެހި ރައްޔިތުންގެ ޑިމޮކްރަޓިކް (އެމްޑީޕީ) ގެ ގައުމީ މަޖިލީހުގެ އިންތިޚާބުގައި ވާދަނުކުރެވޭނެހެން، ޔޫތު މިނިސްޓަރު އަހުމަދު މަހުލޫފުގެ ކެންޑިޑެސީ ބާތިލްކޮށްފައިވަނީ ރަނގަޅަށް ކަމަށް ޝަކުވާ ބަލާ ކޮމިޓީން ނިންމައިފި އެވެ.

ކ، އއ. އދ. ވ ހިމެނޭ މެދު އުތުރު ޕްރޮވިންސްގެ ރައީސް ކަމަށް ކުރިމަތިލެއްވި މަހުލޫފު ރޭ ކުރެއްވި ޓުވިޓެއްގައި ވިދާޅުވީ އެމްޑީޕީގެ އެތެރޭގެ އިންތިހާބުގައި ވާދަނުކުރެވޭނެކަމަށް އެ ޕާޓީގެ ގައުމީ ހިންގާ ކޮމިޓީން ފާސްކުރުމާއި ގުޅިގެން އެ މައްސަލަ އިސްތިއުނާފަށް ހުށަހެޅުމުންވެސް، އިންތިހާބުގައި ވާދަ ނުކުރެވޭނެ ކަމަށް ނިންމާފައިވާކަމަށެވެ.

AD

މި ގޮތުން ޝަކުވާބަލާ ކޮމިޓީއިން މަހްލޫފްއަށް ފޮނުވި ސިޓީގައި ބުނެފައިވަނީ 24 އެޕްރީލް 2021 ގައި ގައުމީ ހިންގާ ކޮމިޓީގެ ގަރާރުގައިވާ ގޮތުގެ މަތިން ދާއިރާގެ އިންތިހާބުގައި ކުރިމަތިލުމުގެ ހަތަރުވަނަ ޝަރުތުގައި ވާގޮތުން އެމްއެމްޕީއާރްސީ ހިޔާނާތުގެ މައްސަލައާ ގުޅިގެން އެއްވެސް ފިޔަވަޅެއް އެޅުމަށް އެދި އެންޓި ކޮރަޕްޝަން ކޮމިޝަން (އޭސީސީ) ނުވަތަ އެއްވެސް އިދާރާއަކަށް ފޮނުވާފައިވާ ފަރާތެއް ނަމަ އެ ފަރާތަކަށް އިންތިހާބުގައި ކުރިމަތިލުމުގެ ޝަރުތު ފުރިހަަމަނުވާ ކަމަށް ކަނޑައަޅާފައިވެއެވެ.

މަހުލޫފަށް ގައުމީ މަޖިލީހުގެ އިންތިޚާބުގައި ވާދަ ނުކުރެވޭނެ ކަމަށް އެމްޑީޕީން ކަނޑައެޅީ އެންޓި ކޮރަޕްޝަން ކޮމިޝަން (އޭސީސީ)އިން އޭނާގެ މައްސަލައެއް ބަލާކަން އަންގާފައިވާތީކަމަށް އެމްޑީޕީން ވަނީ ބުނެފައެވެ.