ވިލިމާލޭ ކުޑަކުދިންގެ ހިޔާގައި އަނެއްކާވެސް އަލިފާނުގެ ހާދިސާއެއް ހިނގައި ބޮޑެތި ގެއްލުންތަކެއް ލިބިއްޖެއެވެ.
މިއީ ކުޑަކުދީންގެ ހިޔާގައި މި އަހަރުގެ ތެރޭގައި ހިނގި ތިންވަނަ އަލިފާނުގެ ހާދިސާއެވެ،
އެމްއެންޑީއެފް އިން ބުނީ މި އަލިފާނުގެ ހާދިސާ ހިނގައިފައިވަނީ މިއަދު ހެނދުނު 06:05 ހާއިރު ހިޔާގެ ހަތަރުވަނަ ފަންގިފިލާގެ ކޮޓަރިއެއްގައި ކަމަށެވެ. ޔާގައި އަލިފާނުގެ ހާދިސާއެއް ހިނގައިގެން އުޅޭކަމުގެ ރިޕޯޓް ލިބުމާއެކު ފަޔާ ރެސްކިއު ޓީމުން އެތަނަށް ގޮސް އަލިފާންގަނޑު ނިއްވާލައިފައިވާކަމަށް އެމްއެންޑީއެފުން ވަނީ ބުނެފައެވެ.
މިއަދު ހެނދުނު 06:10 ހާއިރު އަލިފާންގަނޑު ކޮންރޯލްކުރެވި 07:10 ހާއިރު އަލިފާން އެއްކޮށް ނިއްވާލެވިފައިވާއިރު މި ހާދިސާގައި އެއްވެސް މީހަކަށް ގެއްލުމެއް ލިބިފައެއް ނުވެއެވެ.
ރޯވި މައްސަލާގައި ޖެންޑާ މިނިސްްޓްރީ އާއި ކުޑަކުދީންގެ ހިޔާއިން އެއްވެސް ވާހަކައެއް ދައްކާފައިނުވާއިރު ފުލުހުން އަންނަނީ މި ހާދިސާ ތަހުގީގުކުރަމުންނެވެ.
