އެމްޑީޕީން ހޯދަން ނިކުތް އެތި މިހާރު އެ ޕާޓީއަށްވެސް އޮޅިފައިވާކަމަށް އިިދިކޮޅު ޕީޕީއެމްގެ ނައިބު ރައީސް އަދި ރައްޔިތުންގެ މަޖިލީހުގެ ނައިފަރު ދާއިރާގެ މެންބަރު އަހްމަދު ޝިޔާމް ވިދާޅުވެއްޖެއެވެ.
އެމްޑީޕީގެ އެތެރޭގެ މަޝްރަހު ހޫނުވެ، ރައީސް އިބްރާހީމް މުހައްމަދު ސޯލިހް އާއި ރައީސް މުހައްމަދު ނަޝީދުގެ ހިޔާލު ތަފާތުވެ، ޕާޓީ ތެރޭގައި ދެ ފެކްޝަނެއް އުފެދިފައިވާ މި ދަނޑިވަޅު ރައީސް ނަޝީދުވަނީ ދެން ރާއީސް ސޯލިހް އާއި އެކު ސިޔާސީ މަސައްކަތްކުރެވެން ނެތްކަމަށް ވިދާޅުވެފައެވެ. އަދި ޕާޓީގެ ދެ ފެކްޝަންގެ ދެމެދުގައި ބަހުގެ ހޫނު ހަމަލާތައް ބަދަލުކުރެވެމުންދާ މި ދަނޑިވަޅު ރައީސް ނަޝީދު ވަނީ ޕީޕީއެމް އާއި ރައީސް ޔާމީންގެ އެހީތެރިކަމަށްވެސް އެދިފައެވެ.
އެމްޑީޕީ ބައިބައިވެފައިވާ މި ދަނޑިވަޅު ޝިޔާމް ކުރެއްވި ޓުވިޓެއްގައި ވިދާޅުވީ މީގެ ސޯޅަ އަހަރު ކުރިން އެމްޑީޕީ އިން ހޯދަން ނިކުތް އެތި މިއަދު އެމްޑީޕީއަށްވެސް އޮޅިއްޖެކަމަށެވެ. ” ޔަގީނުންވެސް 16 އަހަރުފަހުން މި ލިބުނީ ހޯދަން މަސައްކަތް ފެށި އެތި ނޫންކަން އެމްޑީޕީގެ މަތީފަޑިން ފެށިގެން އާންމު މެމްބަރުންނަށަވެސް އެނގޭ ލައްކަ ވާހާކަ” ޝިޔާމް ގެ ޓުވިޓްގައި ވިދާޅުވިއެވެ.
Meege 16 aharu kurin MDP hoadhan nikuiy ethi miadhu MDP ah ves olhijje. Yageenun ves 16 aharu fahun milibunee hoadhan masakkaiyfeshi ethi noonkan MDPge mathifadin feshigen aammu memberahves engeyne.Lakka vahaka.
Aslam ge vaahathakah inthi rahdhu dhehvaifi https://t.co/O2J8uZjSbT
— Ahmed Shiyam (@Shiyamaldives) July 23, 2021
