ކޮވިޑް-19 އިން ރަނގަޅުވާ މީހުންނަށް ކަރަންޓީނަކާއި ނުލައި ރަށް ރަށަށް ދެވޭނަމަ، ވެކްސިންގެ ދެ ޑޯޒް ފުރިހަމަ ކުރި މީހުންނަށްވެސް އެ އުސޫލު އޮންނަން ވާނެކަމަށް ރައްޔިތުންގެ މަޖިލީހުގެ މީދޫ ދާއިރާގެ މެމްބަރު ރޮޒެއިނާ އާދަމް ވިދާޅުވެއްޖެއެވެ.
ކޮވިޑް19 އިން ދިފާއުވުމަށް ދެ ޑޯޒް ވެކްސިން ފުރިހަމަކުރި މީހުންގެ ނިސްބަތް މަދުވުމާއި ގުޅިގެން ވެކްސިން ޑޯޒް ފުރިހަމަކުރި މީހުންނަށް ލުއި ދިނުމާއި މެދު އެއްވެސް ގޮތެއް ނިންމިފައެއް ނުވެއެވެ. މިކަމާއި ގުޅިގެން ގިނަ ބައެއްގެ ފާޑުކިޔުންތަކެއް އަމާޒުވެފައިވާއިރު ރޮޒެއިނާ ކުރެއްވި ޓުވިޓެއްގައި ވިދާޅުވީ ކޮވިޑްޖެހިގެން ރަނގަޅުވާ މީހުންނަށް ދަތުރުކުރެވޭނަމަ ކޮވިޑްގެ ދެ ޑޯޒް ފުރިހަމަކޮށްފައިވާ ފަރާތްތަކަށްވެސް ދަތުރުކުރެވެން ޖެހޭނެކަމަށެވެ. އަދި މި ގޮތަށް، ނުވާނަމަ ވެކްސިން ޖެހުމުގެ ބޭނުމަކީ ކޮބައިތޯ ރޮޒެއިނާ ވަނީ ސުވާލުކުރައްވާފައެވެ.
If people who got covid can travel, then people who got 2 doses of vaccine and completed the waiting period should be able to travel. Otherwise what is the point of getting vaccinated?
— 𝐌𝐏 𝐑𝐨𝐳𝐚𝐢𝐧𝐚 𝐀𝐝𝐚𝐦 🎈 (@Roxeyna) June 29, 2021
މާދަމާ އިން ފެށިގެން ކޮވިޑް-19 ގެ ސަބަބުން އަޅާފައިވާ ފިޔަވަޅުތަކަށް ލުއި ދިނުމަށް ނިންމާފައިވާއިރު އޭގެ ތެރޭގައި ކޮވިޑް ޖެހިގެން ރަނގަޅުވެފައިވާ މީހުންނަށް ކަރަންޓީނަކާއި ނުލައި އެއްރަށުން އަނެއް ރަށަށް ދަތުރުކުރެވޭނެ ކަމަށް ސަރުކާރުންވަނީ ހާމަކޮށްފައެވެ. ކްސިން ފުރިހަމަ ކުރި މީހުންނަށް ލުއި ނުދީ ކޮވިޑް ޖެހި ރަނގަޅުވެފައި ތިބި މީހުންނަށް ލުއިދީފައިވަނީ ބަލިން ރަނގަޅުވާ މީހުންނަށް ލިބޭ ރައްކާތެރިކަން ބޮޑުވާތީކަމަށް އެޗްޕީއޭއިން ވަނީ ހާމަކޮށްފައެވެ.
