ޕަވަރ އަވާ ކޭމްޕް 2026 އާ ގުޅިގެން، ސިއްހަތު ރަނގަޅު، ވަރުގަދަ އަދި ހަރަކާތްތެރި ދިރިއުޅުމަކަށް ކުރާ ދަތުރުގައި ބައިވެރިވުމުގެ ފުރުސަތު ހުޅުވާލައިފި އެވެ.
އައްޑޫ ސިޓީގައި ހިންގަމުން އަންނަ، ޕަވާ އަވާ ސްޓޫޑިއޯ އިން ކުރިއަށް ގެންދާ މި ކޭމްޕާއި ގުޅޭ ގޮތުން އާމިނަތު ޔާސްމިން އޮސްމަންއަގިޗް ބުނީ މި ކޭމްޕުގައި ބަރުދަން ބެލުމާއި، ކެއިންބުއިމުގެ އިރުޝާދާއި، ފިޓްނަސްއާ ބެހޭ މައުލޫމާތާއި އިރުޝާދު އަދި އިންޑޯ ސެޝަންތަކާއި، އައުޓްޑޯ ސެޝަންތަކުގެ އިތުރުންއެކުއާ އެރޯބިކްސް ކްލާސްތައް ހިމެނޭ ކަމަށެވެ.
މަރަދޫ، ފޭދޫ އަދި ހިތަދޫ ގައި އޮކްޓޯބަރު އަދި ނޮވެމްބަރު މަހު ކުރިއަށް ގެންދާ މި ކޭމްޕްގައި ބައިވެރިވެ ހަށިގަނޑަށް އެންމެ ބޮޑު ބަދަލެއް ގެނެސް ފައިސާގެ އިނާމު ހޯދުމުގެ ފުރުސަތު ހުޅުވާލާފައިވާއިރު ނަން ނޯޓުކުރުމަށް 9692132 މި ނަންބަރަށް މެސެޖުކުރުމަށް ޔާސްމީން ވަނި އެދިފައެވެ. ޓީމް ބިލްޑިން އަދި ސެލްފް ޑިފެންސް ކްލާސްތަކާއެކު ކުރިއަށް ގެންދާ މި ކޭމްޕްގެ އަގަކީ 400 ރުފިޔާ އާއި 600 ރުފިޔާ އާއި ދެމެދުގެ ފީއެއް ކަމަށް ޔާސްމީން ވަނީ ބުނެފައެވެ.
އައްޑޫ ސިޓީ ހިތަދޫ އަދި މަރަދޫ ފޭދޫގައި ޔާސްމީން ހިންގާ ދެ ސްޓޫޑިއޯގައިވެސް އެކި ކަހަލަ ފިޓްނަސް ކްލާސްތައް އަންނަނީ ކުރިއަށް ގެންދަމުންނެވެ. ޕަވާ އަވާ ސްޓޫޑިއޯ އިން މިހާތަނަށް ކާމިޔާބު ގިނަ ހަރަކާތްތަކެއްވަނީ ހިންގާފައިވާއިރު އައްޑޫ ސިޓީ މަރަދޫ ފޭދޫ އަވަށު އޮފިހާއި ގުޅިގެން ބޭއްވި ހަށި ހެޔޮ ބޫޓްކޭމްޕް، އަންހެނުންގެ ތަރައްގީއަށް މަސައްކަތްކުރާ ކޮމިޓީ އާއި ގުޅިގެން ފޭދޫ އަދި ހިތަދޫގައި ބޭއްވި ފަހެލި ކޭމްޕް ހިމެނެއެވެ. މީގެ އިތުރުން މަރަދޫ އަވަށު އޮފީން އިންތިޒާމުކޮށްގެން، މިހާތަނަށް ރާއްޖޭގައި ބޭއްވުނު އެންމެ ގިނަ ބައިވެރިން ހިމެނޭ ބޫޓް ކޭމްޕް ލީޑުކޮށްފައިވަނީވެސް ޕަވާ އަވާ ސްޓޫޑިއޯ އިންނެވެ.
