އިލެކްޝަންސް ކޮމިޝަންގެ ރައީސްގެ މަޤާމުގައި ހުންނެވި އަހްމަދު ޝަރީފް އެ މަޤާމުން މިއަދު އިސްތިއުފާ ދެއްވައިފިއެވެ.
މިކަން ހާމަކުރެއްވީ އޭނާ ދާދި ދެންމެ ކުރެއްވި ޓުވީޓެއްގައެވެ. އެ ޓްވީޓުގައި ޝަރީފް ވިދާޅުވީ އިލެކްޝަނުން އިސްތިއުފާ ދެއްވީ ވޭތުވެދިޔަ ތިން އިންތިހާބުގައި އިޚުލާސްތެރިކަމާއި އަމާނާތްތެރިކަމާއިއެކު މަސައްކަތް ކޮށްދެވުނު ކަމުގެ ހިތްހަމަޖެހުމާއި އެކު ކުރިމަގުގައި ވެސް ރައްޔިތުންގެ ހިދުމަތްތަކުގައި ފެންނާނެ ކަމުގެ އުއްމީދާއެކުގައި ކަމަށެވެ.
Elections Commission ge member kamun miadhu alhugandu isthiufaa dheefin, veythuve dhiya thin inthikhaab ga ikhlaastheri amaanaitheri kamaa eku masaikai kohdhevunu kamuge hinhama jehun libunu, kurimagu ga ves rayyithun ge khidhmathuga fennaane in shaa Allah
— Ahmed Shareef (@ShareefRangondi) June 15, 2021
އަޙުމަދު ޝަރީފް އިލެކްޝަންސް ކޮމިޝަން ކަމުގެ ރައީސްކަމަށް އައްޔަން ކުރެވުނީ 2018 ވަނަ އަހަރުގެ މާޗް 03 ވަނަ ދުވަހު އެވެ. އޭގެ ކުރިން އޭނާ ހުންނެވީ ފެނަކަ ކޯޕަރޭޝަންގެ މެނޭޖިން ޑިރެކްޓަރު ކަމުގެ މަޤާމުގައެވެ.
