ރާއްޖެއިން ކޮވިޑް-19 ޖެހިގެން އިތުރު މީހަކު ނިޔާވެއްޖެއެވެ.
ހެލްތު ޕްރޮޓެކްޝަން އެޖެންސީ (އެޗްޕީއޭ) އިން ހާމަކުރި ގޮތުގައި މިއަދު ހެނދުނު 09:45 ގައި ކ. މާފުށިން މަރުވި މީހަކު ކޮވިޑް-19 އަށް ޕޮޒިޓިވްވެފައިވާ ކަމަށެވެ.
މިއީ ކޮވިޑް-19 ޖެހިގެން ރާއްޖެއިން ނިޔާވި 87 ވަނަ މީހާއެވެ. އަދި މިއީ މިއަދު މިހާތަނަށް ކޮވިޑް-19 ގައި ރާއްޖެއިން ނިޔާވި ތިންވަނަ މީހާއެވެ. މިއަދު ހެނދުނުވެސް އުމުރުން 75 އަހަރުގެ އަންހެނަކާއި 85 އަހަރުގެ ފިރިހެނަކު ވަނީ ނިޔާވެފައެވެ.
މިހާތަނަށް ރާއްޖެއިން ކޮވިޑް-19 އަށް ޕޮޒިޓިވްވި މީހުންގެ އަދަދު ވަނީ 35،815 އަށް އަރައިފައިވެ އެވެ. މީގެ އިތުރުން ރާއްޖެއިން މި ބަލި ޖެހުނު މީހުންގެ ތެރެއިން މިހާތަނަށް 26،299 މީހުން ވަނީ ރަނގަޅުވެފައެވެ.
