ވިލާ ކޮލެޖުގެ “ސްކިލްސް ފޯ އަ ރެޒިލިއަންޓް ވާކްފޯސް” ޕްރޮގްރާމްގެ ދަށުން، ހިލޭ އަދި އެލަވަންސް ލިބޭ ގޮތަށް އަލަށް ތައާރަފްކުރާ ކުރު ކޯސްތައް، އައްޑޫ ސިޓީ ހިތަދޫ ވިލާ ކޮލެޖްގެ ކެމްޕަހުގައިވެސް ކުރިއަށް ގެންދާނެކަމަށް އެ ކޮލެޖުން ބުނެފިއެވެ.
މުޅިން ހިލޭ އެލަވަންސް އެއް ލިބޭ ގޮތަށް، 16 ހަފްތާއަށްކުރިއަށް ގެންދާ މި ކޯސްތަކުގެ ތެރޭގައި ހިމެނެނީ ނެޝަނަލް ސެޓްފިކެޓް 3 އިން އިންވެންޓްރީ މެނޭޖްމަންޓް، ހައުސްކީޕިން، ލައިފްގާޑިން، ވޯޓަ ސްޕޯޓްސް އަދި ޓިކެޓިން އެންޑް ރިޒަވޭޝަން ކޯސްތަކެވެ.
މި ކޯސްތަކުގައި މަހަކު 2،000 ރުފިޔާގެ އެލަވަންސެއް ލިބޭއިރު، ސެންޓަ ފޯ ފައުންޑޭޝަން ސްޓަޑީޒްގެ ޑިރެކްޓަރ އަލީ ޝަރީފް ވިދާޅުވީ މި އެލަވަންސް ލިބުމަކީ މި ކޯސްތައް ފުރިހަމަކުރުމުގައި މާލީ ގޮތުން ދަރިވަރުންނަށް ލިބޭނެ ވަރަށް ބޮޑު ފަސޭހައަކަށް ވެގެންދާނެކަމަށެވެ.
މި ކޯސްތަކަށް އެދި ފޯމު ހުށަހެޅުމުގެ އެންމެ ފަހު ތާރީޚަކީ އަންނަ ޖޫން މަހުގެ ހަ ވަނަ ދުވަހެވެ. ކޯސްތަކަށް އެދި އޮންލައިންކޮށް އަދި ވިލާ ކޮލެޖުގެ ވެބްސައިޓް(http://villacollege.edu.mv/) މެދުވެރިކޮށް ވެސް ފޯމު ހުށަހެޅޭނެ އެވެ.
