ހިލޭ ސާބަހަށް މަސައްކަތް ކުރާ ޖަމިއްޔާތައް (އެންޖީއޯ) ރަޖިސްޓްރީ ކުރުމުގެ މަސައްކަތް އޮންލައިންކޮށް ކުރިއަށް ގެންދިއުމަށް މިނިސްޓްރީ އޮފް ޔޫތު، ސްޕޯޓްސް އެންޑް ކޮމިއުނިޓީ އެމްޕަވަރމަންޓުން ނިންމައިފިއެވެ.
ޔޫތު މިނިސްޓްރީން މިއަދު ކުރި އިޢުލާނެއްގައި ބުނެފައި ވަނީ ކޮވިޑް-19 އާއި ގުޅިގެން އޮފީސްތައް ބަންދުކޮށް، އޮންލައިންކޮށް މަސައްކަތް ކުރިއަށް ގެންދާ ދުވަސްތަކުގައި އެން.ޖީ.އޯ ރަޖިސްޓްރޭޝަނަށް ލިޔެކިޔުންތައް ހުށަހަޅުއްވާނީ އީމެއިލް މެދުވެރިކޮށް [email protected] އަށް ކަމަށެވެ.
މީގެ އިތުރުން އެކަމާ ގުޅޭ އިތުރު މައުލޫމާތު ހޯއްދެވުމަށް ރަސްމީ ގަޑީގައި 3330808 ނަމްބަރ ފޯނަށް ގުޅުއްވުމަށްވެސް މިނިސްޓްރީން ވަނީ އެދިފައެވެ.
ކޮވިޑް-19 އާ ގުޅިގެން މާލެ ސަރަޙައްދުގައި އަޅާފައިވާ ރައްކާތެރިކަމުގެ ފިޔަވަޅުތައް އިތުރަށް ހަރުކަށި ކޮށްފައިވާއިރު، މިހާރު ރާއްޖެއިން މި ބައްޔަށް ފައްސިވި މީހުންގެ އަދަދު ވަނީ 31،931 އަށް އަރައިފައެވެ.
