އައްޑޫ ސިޓީ މީދޫ މުލިމަތި ޖަމްޢިއްޔާގެ 08 ވަނަ އަހަރީ ދުވަސް ފާހަނގަކޮށްފިއެވެ.
އިއްޔެ ހަވީރު އަސްރިއްޔާ ޕްރީ ސްކޫލްގައި ބޭއްވި މި ރަސްމިއްޔާތު ޝަރަފުވެރިކޮށްދެއްވީ ޑރ.ޝީމާ ސައީދުއެވެ. އެ ޖަމްޢިއްޔާގެ އަހަރީ ދުވަސް ފާހަނގަކުރުމަށް ބޭއްވި ހަފްލާގައި ވަނީ 2019 އަދި 2020 ވަނަ އަހަރު ޖަމްޢިއްޔާގެ ހިންގާ ކޮމިޓީގެ މެމްބަރުން ކުރި މަސައްކަތުގެ އަގު ވަޒަންކޮށްފައެވެ. މީގެ އިތުރުން މި ހަފްލާގައި 2021 ވަނަ އަހަރުގެ ހިންގާ ކޮމިޓީ އާއި އެޑްވައިޒަރީ ބޯޑްވެސް ވަނީ އިފްތިތާހްކޮށްފައެވެ.
މި ގޮތުން 2021 ވަނަ އަހަރު އެ ޖަމްޢިއްޔާގެ ހިންގާ ކޮމިޓީއަށް އިންތިހާބުވެފައިވަނީ:-
މި ޖަލްސާގައި އެ ޖަމްޢިއްޔާގެ އަހަރީ ދުވަހާއި ގުޅިގެން ބޭއްވި ބަހުސް މުބާރާތުގެ ނަތީޖާފާޅުކޮށް ބައިވެރިންނަށް ސެޓްފިކެޓް ހަވާލުކޮށްފައިވާއިރު މި ހަފްލާގައި ވާހަކަދައްކަމުން ޝަރަފުވެރި މެހެމާނާ ޑރ.ޝީމާ ސައީދު ވަނީ ޖިންސީ އަނިޔާ އާއި ބެހޭ ގޮތުން ޖަލްސާގެ ބައިވެރިންނާއި މުހާތަބުކޮށް ވާހަކަދައްކާފައެވެ.
13 ޑިސެމްބަރ 2012 ވަނަ އަހަރު ރަޖްސްޓްރީކޮށްފައިވާ މުލިމަތި ޖަމްއިއްޔާގެ އެންމެ ބޮޑު މަގްސަދަކީ މަސްތުވާތަކެތިން ސަލާމަތްވެފައިވާ، އުފާވެރި، ބަދެހި މުޖްތަމައުއެއް ބިނާކުރުމާއެކު ގައުމާއި ވަތަންދެކެ ލޯބިވާ ޖީލެއް ބިނާކުރުމެވެ.އަދި ޒުވާނުންނަށް ކުރިއަށްދާނެ ފުރުސަތުތައް ހޯދައިދިނުމުގެ އިތުރުން ރަށުގައި ހިންގޭ އެކި އެކި އިޖްތިމާއީ ކަންކަމުގައި ބައިވެރިވެ ރަށަށް އިތުރު ކުރިއެރުމާއި ތަރައްޤީ ގެނައުމަށް ކަމާއި ގުޅޭ އެންމެހާއި އިދާރާތަކާއި ގުޅިގެން މަސައްކަތްކުރުމެވެ.
