ސްރީލަންކާ ކައިރިން އުފެދިގެން ދަތުރުކުރަމުންދާ ތޫފާން “ބުރެވި”ގެ އަސަރުގައި ޖެހި މިސްރާބު އޮޅިގެން ކަނޑުމަތިން ހާލުގައި ޖެހުނު އެ ގައުމުގެ ދެ މަސްބޯޓަކަށް އެމްއެންޑީއެފްއިން އެހީވެއްޖެ އެވެ.
އެމްއެންޑީއެފް އިން ވިދާޅުވީ، ހާލުގައި ޖެހިފައިވާ ދެ ބޯޓު ހދ.ކުމުންދޫގެ ބޭރުން ފެނިފައިވަނީ އެ ސަރަހައްދުން މަސްވެރިކަން ކުރަމުން ދިޔަ “މޫސުން 7” ނަމަކަށް ކިޔާ ދޯންޏަކަށްކަމަށާއި މި ދެ ބޯޓު ފެނިގެން މި ދޯނިން އެމްއެންޑީއެފް ކޯސްޓްގާޑަށް ރިޕޯރޓްކޮށްފައިވަނީ މިއަދު ހެނދުނު 08:33 ހާއިރު ކަމަށެވެ.
Thoofan "buravi" kolhigandugaijehi misraabu olhunu, SriLanka ge 2masboateh Hdh.Kumundhoo kairin "Moosun7" dhonyah miadhu 0833 haairu fenigen, MNDF NA ah report kurumaai gulhigen eheetherikan foarukohdheefi. 2 boat vanee NA eheetherikamaaeku Hdh.Kulhudhufushee bandharah vadhdhaafa pic.twitter.com/e7pZTZ5ORu
— Maldives National Defence Force (@MNDF_Official) December 3, 2020
އިތުރަށް އެމްއެންޑީއެފް އިން ވިދާޅުވީ ދެ ބޯޓުގެ ތެރެއިން “ސެނެ ދުއާ” ބޯޓުގައި ފަސް ފަޅުވެރިން ތިބި ކަމާއި “ޖެ ޕްރަސަންސަ ވެ” ބޯޓުގައި ހަ ފަޅުވެރިން ތިބި ކަމަށާއި މި ދެ ބޯޓުގެ ހުރިހާ ފަޅުވެރިންގެ ހާލުވެސް ރަނގަޅުކަމަށެވެ
އެމްއެންޑީއެފްގެ ބެލުމުގެ ދަށުން މިއަދު ހެނދުނު 10:45 ހާއިރު މި ދެ ބޯޓު ވަނީ ހދ.ކުޅުދުއްފުށީ ބަނދަރަށް ވައްދާފައެވެ