‏މި ސަމިޓް ފައްޓަވައި ދެއްވުމުގެ ގޮތުން މިނިސްޓަރ އޮފް އެޑިއުކޭޝަން އައިޝަތް އަލީ‬⁩ ދެއްކެވި ވާހަކަފުޅުގައި ދަރިވަރުންނަށް ފަސް ކަމަކަށް ނަސޭހަތްތެރިވެފައިވެއެވެ. މި ގޮތުން ކިޔެވުމުގަ އާއި އެހެނިހެން ހަރަކާތްތަކުގައި ކާމިޔާބު ލިބުމާ ގުޅިފައިވަނީ އަމާޒެއް ކަނޑައަޅައިގެން އެ އަމާޒަށް ވާސިލުވުމަށް ގަދައަޅާ މަސައްކަތްކުރުންކަށް މިނިސްޓަރ ވަނީ ފާހަގަކުރައްވާފައެވެ. މީގެ އިތުރުން ނާކާމިޔާބާ ކުރިމަތިލާންޖެހުމުން އެކަމާ މާޔޫސްނުވުމަށާއި، ރަޙުމަތްތެރިން ހިޔާރުކުރާއިރު ހެޔޮލަފާ ޙުލްޤު ހެޔޮ ރަޙްމަތްތެރިން ހިޔާރު ކުރުމުގެ އިތުރުން ނޫނެކޭ ބުނަން ދަސްކޮށް، ދިރިއުޅުމުގައި ކާމިޔާބު ހޯދުމަށް މީހުންނަށް އަޅާލުން ފަދަ ރިވެތި ސިފަތައް ތިމާ ގައިގައި އަށަގެންނެވުމަށް މިނިސްޓަރ ވަނީ ނަސޭހަތްތެރިވެފައެވެ.

މި ސަމިޓް ނިންމާލުމުގެ ގޮތުން، ގިޔާސުއްދީން ސްކޫލްގެ ޕްރިންސިޕަލް އަލީ މުސްތަފާވެސްވަނީ މި ސަމިޓްގައި ބައިވެރިންނާއި މުހާތަބްކޮށް، ދަރިވަރުންނަށް މުހިންމު މައުލޫމާތުތަކެއް ދެއްވާފައެވެ. މި ސަމިޓަކީ ފުރާވަރު އުމުރުގެ ކުދިންގެ މެދުގައި ދިމާވާ މައްސަލަތަކަށް ހައްލުހޯދުމަށް ދިރާސާކުރެވި ކަރުދާސްތަކެއް ހުށަހަޅައިގެން ބޭއްވި މިފަދަ ފުރަތަމަ ސަމިޓެވެ.