ޑިރެކްޓަރު ޖެނެރަލް އޮފް ޕަބްލިކް ހެލްތު މައިމޫނާ އަބޫބަކުރު ގެ މަންމަ މިއަދު ނިޔާވެއްޖެ އެވެ.
ހއ. އިހަވަންދޫ ވައިޖެހޭގޭ ޖަމީލާ ހުސައިިން އުމުރުން 82 އަހަރުގައި ނިޔާވީ ބަލިވެއުޅުއްވާތާ ގިނަ ދުވަސްތަކެއްފަހުގައެވެ. މިއަދު ހެނދުނު 10:30 ހާއިރު ނިޔާވި ޖަމީލާ، ނިޔާވީ ކޮވިޑް-19 ބަލީގައެއް ނޫނެވެ، ޖަމީލާ ނިޔާވުމާ ގުޅިގެން ރައީސް އިބްރާހިމް މުހައްމަދު ސޯލިހް ވަނީ އާއިލާ އަށް ތައުޒިޔާ ދަންނަވައިފަ އެވެ.
ހއ. އިހަވަންދޫ ވައިޖެހޭގޭ އަލްފާޞިލާ ޖަމީލާ ޙުސެއިން އަވަހާރަވުމާ ގުޅިގެން އާއިލާއަށް އިޚްލާސްތެރި ތައުޒިޔާ ދަންނަވަން. މާތް الله އާއިލާއަށް ކެތްތެރިކަން ދެއްވައި މަރުހޫމާއަށް ސުވަރުގޭގެ ދާއިމީ ނިޢުމަތް މިންވަރު ކުރައްވާށި. އާމީން.
— Ibrahim Mohamed Solih (@ibusolih) November 28, 2020
ޖަމީލާއަކީ މައިމޫނާގެ އިތުރުން ކުރިން ފިޝަރީޒް މިނިސްޓަރުކަން ކުރެއްވި އަދި ފަހުން އެޑިއުކޭޝަން މިނިސްޓްރީގެ ސްޓޭޓް މިނިސްޓަރުކަންވެސް ކުރެއްވި ޑރ. އަހުމަދު ޝަފީއުގެ ވެސް މަންމައެވެ. އަދި ކުރިން ދ.އަތޮޅުގެ އަތޮޅުވެރިކަން ކުރެއްވި އަދި ފަހުން އޭސީސީގެ މެންބަރުކަން ކުރެއްވި މުހައްމަދު ޝަފީއުގެ ވެސް މަންމައެވެ.
