ކުށާއި ދަރަނީގެ ރެކޯޑް ސާފުކުރުމުގެ ޚިދުމަތް އޮންލައިންކޮށް ދިނުމުގެ އިންތިޒާމު ހަމަޖައްސައިފި އެވެ.
ޑިޕާޓްމަންޓް އޮފް ޖުޑީޝަލް އެޑްމިނިސްޓްރޭޝަން (ޑީޖޭއޭ) އިން މިއަދު ކުރި އިޢުލާނެއްގައި ބުނެފައި ވަނީ ކޮވިޑް-19 އާ ގުޅިގެން އަޅާ ރައްކާތެރިކަމުގެ ފިޔަވަޅެއްގެ ގޮތުން އެ ޑިޕާޓްމަންޓުން ފޯރުކޮށްދެމުން ގެންދާ ކުށާއި ދަރަނީގެ ރެކޯޑު ސާފުކުރުމުގެ ފޯމު ވަކި ގޮތެއް އަންގަންދެން ބަލައިގަތުން ކުރިއަށް ގެންދާނީ އޮންލައިންކޮށް ކަމަށެވެ. އަދި އޮންލަިއންކޮށް ރެކޯޑު ސާފުކުރުމަށް ފޯމު ހުށަހަޅާއިރު ހިމަނަންޖެހޭ މަޢުލޫމާތާއި ލިޔެކިޔުންތަކުގެ ތަފްސީލްވެސް އެ އިޢުލާނުގައި ޑީޖޭއޭ އިން ބަޔާންކޮށްފައި ވެއެވެ.
ޑީޖޭއޭ އަށް ހުށަހަޅަންޖެހޭ މަޢުލޫމާތާއި ލިޔެކިޔުންތައް
ޑީޖޭއޭ އިން ބުނީ އެ މަޢުލޫމާތު ހިމަނައިގެން ޕީޑީއެފް ކޮޕީއެއް [email protected] އަށް އީމެއިލް ކުރުމުން ރެކޯޑު ސާފުކުރެވޭނެ އިންތިޒާމު ހަމަޖެހޭނެ ކަމަށެވެ. އަދި ރެކޯޑު ސާފުކުރުމަށްފަހު މެއިލް މެދުވެރިކޮށް އެ ފަރާތްތަކަށް ޖަވާނު ފޮނުވޭނެ ކަމަށްވެސް އެ ޑިޕާޓްމަންޓުން ބުންޏެވެ.
