ޕީޕީއެމުން ވަކިކުރުމާ ގުޅިގެން މަޖިލީހުގެ ގޮނޑި ގެއްލިއްޖެ ކަމަށް އިލެކްޝަންސް ކޮމިޝަނުން ނިންމާފައިވާ ހަތަރު މެމްބަރެއްގެ ގޮނޑި ނުގެއްލޭ ކަމަށް ސުޕްރީމް ކޯޓުން ކަނޑައަޅައިފި އެވެ.
ޝަރީއަތަށް މަހެއްހާ ދުވަހަށް ފަހު މި ނިންމުން އައީ ގޮނޑި ގެއްލިފައިވާ ކަމަށް ކަނޑައަޅާފައިވާ މެންބަރުން ހުށަހެޅުއްވި މައްސަލައިގެ ޖަވާބު ބަލައި ދިއުމަށް އެ ކޯޓުން އެންގުމާއެކު ވަކީލުންނަށް ދެއްވި ޖަވާބުގަ އެވެ
އެ ހަތަރު މެމްބަރުންނަކީ ވިލިނގިލީ ދާއިރާގެ މެމްބަރު ސައުދު ހުސެއިން އާއި ދިއްދޫ ދާއިރާގެ އަބްދުއްލަތީފު މުހަންމަދާއި މަޑުއްވަރީ ދާއިރާގެ މެމްބަރު މުހަންމަދު އަމީތު އަދި ތުލުސްދޫ ދާއިރާގެ މެމްބަރު މުހަންމަދު ވަހީދު އިބްރާހީމެވެ.
މި ހަތަރު ބޭފުޅުންނަކީ ވެސް ގޮނޑި ގެއްލުނުކަމާ މެދު ސުވާލު އުފައްދައި، އެކަމާ މެދު ގޮތެއް ނިންމައިދިނުމަށް އެދި ސުޕްރީމް ކޯޓަށް މައްސަލަ ހުށަހެޅުއްވި ހަތަރު ބޭފުޅުންނެވެ.
