އައްޑޫ ސިޓީ ހިތަދޫގައި ހާއްސަ އެހީއަށް ބޭނުންވާ އަންހެނަކު ރޭޕްކުރި މައްސަލައިގެ ތުހުމަތަށް ހައްޔަރުކުރި ދެ މީހުންގެ ބަންދަށް 15 ދުވަސް ޖަހައިފިއެވެ.
ފުލުހުން ވިދާޅުވީ މި މައްސަލައިގައި ތުހުމަތު ކުރެވޭ ދެ މީހުންގެ ބަންދަށް 15 ދުވަސްޖަހާފައިވާކަމަށާއި މި މައްސަލައިގައި އިތުރު ބަޔަކު ހިމެނޭ ކަން، މިހާތަނަށް ތަހުގީގަށް ފާހަގަކުރެވިފައި ނުވާކަމަށެވެ.
މިފަދަ މައްސަލަތައް ތަހުގީގު ކުރުމުގައި ފުލުހުން އަމަލުކުރަންޖެހޭ އުސޫލުތަކާ އެއްގޮތަށް ފުރިހަމަ ކުރަންޖެހޭ ހުރިހާ ކަމެއް ފުރިހަމަ ކުރަމުންދާކަން ހާމަކުރައްވަމުން ޕޮލިހުން ވިދާޅުވީ މި މައްސަލައިގައި އަނިޔާ ލިބުނު މީހާ އައްޑޫ އިކުއެޓޯރިއަލް ހޮސްޕިޓަލަށް ދައްކާފައިވާކަމަށެވެ. މީގެއިތުރުން އެ އަންހެން މީހާ ސައިކޮލޮޖިކަލް އެސެސްމެންޓެއް ހެދުމަށް ފުވައްމުލަކަށް ގެންގޮސްފައިވާ ކަމަށްވެސް ފުލުހުންވަނީ ވިދާޅުވެފައެވެ.
ޚާއްސަ އެހީއަށް ބޭނުންވާ އަންހެނަކު ރޭޕްކުރި މައްސަލައާއި ގުޅިގެން ހައްޔަރުކޮށްފައިވަނީ އުމުރުން 19 އަހަރުގެ ދިވެހި ފިރިހެނަކާއި، އުމުރުން 30 އަހަރުގެ ދިވެހި ފިރިހެނެކެވެ.
