ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް، ޑެޕިއުޓީ ކޮމިޝަނަރ އޮފް ކަސްޓަމްސްގެ މަޤާމަށް މިއަދު ބޭފުޅާކު ޢައްޔަންކުރައްވައިފި އެވެ.
President Ibrahim Mohamed Solih has today appointed Ma. Dainty, Mr Mahmood Riyaz as the Deputy Commissioner of Customs.
Mr. Mahmood Riyaz has been serving as a Deputy Chief Superintendent at MCS prior to his appointment. He has served Maldives Customs Service for over 27 years. pic.twitter.com/0ynguajlMn— Maldives Customs (@CustomsMv) June 24, 2020
އެގޮތުން ރައީސުލްޖުމްހޫރިއްޔާ އެ މަޤާމަށް ޢައްޔަންކުރައްވާފައި ވަނީ މއ. ޑެއިންޓީ، މަޙްމޫދު ރިޔާޒު އެވެ. ރިޔާޒު މި މަޤާމަށް ޢައްޔަންކުރައްވާފައި މިވަނީ ކޮމިޝަނަރ ޖެނެރަލް އޮފް ކަސްޓަމްސްގެ މަޤާމުގައި ކުރިން ހުންނެވި އަޙްމަދު ނުޢުމާން އަވަހާރަވުމާއި ގުޅިގެން، ޑެޕިއުޓީ ކޮމިޝަނަރ އޮފް ކަސްޓަމްސްގެ މަޤާމުގައި ހުންނެވި އަބްދުﷲ ޝަރީފް ކޮމިޝަނަރ ޖެނެރަލްގެ މަޤާމަށް ޢައްޔަން ކުރެއްވުމާއި ގުޅިގެންނެވެ.
މި މަޤާމަށް ޢައްޔަންކުރެއްވުމުގެ ކުރިން މަޙްމޫދު ރިޔާޒު ހުންނެވީ ކަސްޓަމްސްގެ ޑެޕިއުޓީ ޗީފް ސުޕްރިޓެންޑެންޓްގެ މަޤާމުގަ އެވެ. އޭނާ ވަނީ ކަސްޓަމްސް އަށް 27 އަހަރަށްވުރެ ދިގު މުއްދަތަކަށް ޚިދުމަތް ކޮށްދެއްވައިފަ އެވެ.
