ފުލުހުންގެ ފަހަތުން ނޫޅެ ގައުމުގެ ތަރައްގީއަށް “ގާބުރިއެއް” ނަމަވެސް ބާއްވައިދިނުމަށް ރައްޔިތުންގެ މަޖިލިހުގެ މާވަށު ދާއިރާގެ މެމްބަރު މުހައްމަދު ސައީދު ގޮވާލައްވައިފިއެވެ.
މިއަދު ސައީދު ކުރެއްވި ޓުވިޓެއްގައި ވިދާޅުވީ ލިބޭ ކޮންމެ ފުރުސަތެއްގައި ފުލުހުންގެ ފަހަތުން ނޫޅެ ތަރައްޤީއަށް ގާބުރިއެއް ނަމަވެސް ބާއްވާލަ ދިނުމަށް ރައްޔިތުން އެދެމުންދާކަމަށެވެ. “ކޮން ބާރެއް ނުލިބިގެންތޯ މިއަދު މިވަރު މިވަނީ؟ އެމްޑީޕީގެ ލީޑަރަކީ ހަމަ ސާފުތާހިރު މައުސޫމް ތުއްތު ކުއްޖެއްތޯ؟” ސައީދުގެ ޓުވިޓްގައި ވިދާޅުވިއެވެ.
Libey komme furusathegga fuluhunge fahathun noolhe gaumuge tharaggee ah gaaburi eh namaves bevvumah rayyithun eba aadheyskurey. Konbaareh nulinigen tho miadhu mivaru mivanee? MDP ge leaderakee hama saafu thohiru mausoom thuthu kujjetho? https://t.co/zW3b4I2fNA
— Mohamed Saeed (@em_saeed) June 9, 2020
ސައީދު މި ގޮތަށް ވިދާޅުވެފައި މިވަނީ މިއަދު ބޭއްވި ރައްޔަތުންގެ މަޖިލީހުގެ ޖަލްސާގައި، އެމްއެމްޕީއާރްސީގެ ބޮޑު ހިޔާނާތުގައި ބައިވެރިވިކަމަށް ތުހުމަތު ކުރެވޭ ފުލުހުން އަދިވެސް ވަޒީފާގައި އެބަތިބި ކަމަށާއި ފުލުހުންނާއި ރާއްޖޭގެ ގޭންގުތަކާ، އަޑީ ދައުލަތާއި ދެމެދު ބޮޑު ގުޅުމެއް އޮންނަ ކަމަށް ތުހުމަތު ކުރައްވައި، އެކަންކަން ބަލަންޖެހޭ ކަމަށް ވިދާޅުވެ ރައްޔިތުންގެ މަޖިލީހުގެ ރައީސް، މުހައްމަދު ނަޝީދު ދެއްކެވި ވާހަކަތަކާއި ގުޅިގެންނެވެ،
އިތުރަށް ނަޝީދު ވިދާޅުވީ ފުލުހުންގެ ބިލުގެ ބަހުސް ކުރިއަށްދާއިރު ފުލުހުންގެ މުއައްސަސާ، އިންތިޒާމުވެފައިވާ ގޮތާ ގުޅޭގޮތުން ވަރަށް ބޮޑަށް މަޝްވަރާކުރަން ޖެހޭނެކަމަށެވެ.
