Covid-19: Balijehunu meehunge adhadhu 5 million ah araifi - AO News Covid-19: Balijehunu meehunge adhadhu 5 million ah araifi

ކޮވިޑް 19ކަވަރޭޖް

6,852,818CONFIRMED
3,352,066RECOVERED
3,102,470ACTIVE
398,282DEATHS
1883CONFIRMED
717RECOVERED
1157ACTIVE
7DEATHS
ކޮވިޑް-19: ބަލިޖެހުނު މީހުންގެ އަދަދު 5 މިލިއަނަށް އަރައިފި
2 ހަފްތާ ކުރިން

މުޅި ދުނިޔޭގައި ހަލުވިކަމާ އެކު ފެތުރެމުންދާ ކޮރޯނާވައިރަސް (ކޮވިޑް-19) އަށް ޕޮޒިޓިވްވި މީހުންގެ އަދަދު ފަސް މިލިއަނަށް އަރައިފިއެވެ.

Advt

Advertisement

ދުނިޔޭގެ ސިއްހަތު ޖަމްއިއްޔާ (ޑަބަލިއުއެޗްއޯ) އިން ބަލާޢާފާތެއްގޮތުގައި ސިފަކުރާ މި ބަލިމަޑުކަމާއި ގުޅިގެން 327,462 މީހުން މަރުވެފައިވާއިރު، މިހާތަނަށް އައިއިރު މި ބަލިން ރަނގަޅުވި މީހުންގެ އަދަދަކީ 1,998,779 އެވެ.

ޗައިނާގެ ވޫހާން ސިޓީން މިދިޔަ އަހަރުގެ ޑިސެންބަރު 31 ވަނަ ދުވަހު އުފަންވި ކޮވިޑް-19ގެ ނުރައްކާ މިހާރު އެންމެ ބޮޑުވެފައިވާ ގައުމުތަކުގެ ތެރޭގައި ހިމެނެނީ، އެމެރިކާ އާއި ރަޝިޔާ އަދި ބްރެޒިލްގެ އިތުރުން އިނގިރޭސިވިލާތާއި، އިންޑިއާ އެވެ. ކުރީން ޔޫރަޕްގައި މި ބަލިމަޑުކަމާ ގުޅިގެން ނުރައްކާތެރި ހާލަތަށް ދިޔަ އިޓަލީ އާއި ސްޕެއިން އަދި ޖަރުމަނުގައި މި ބަލި މިހާރު ކޮންޓްރޯލްވުމާ ގާތަށް ވަނީ ޖެހިލާފައެވެ.

މިހާތަނަށް އައިއިރު އެންމެ ގިނަ އަދަދެއްގެ މީހުން މި ބައްޔަށް ޕޮޒިޓިވްވެފައިވާ ގައުމަކީ އެމެރިކާ އެވެ. އެ ގައުމުން 1.57 މިލިއަން މީހުންނަށް މި ބަލިޖެހިފައިވާއިރު، 93،533 އެއްހާ މީހުން ވަނީ މަރުވެފައެވެ. ރަޝިޔާ އިން 3 ލައްކައެއްހާ މީހުން ޕޮޒިޓިވްވެ، 2،837 މީހުން މަރުވެފައިވެއެވެ. ބްރެޒިލުން 271،885 މީހުން ޕޮޒިޓިވްވިއިރު، 18 ހާހެއްހާ މީހުން ވަނީ މަރުވެފައެވެ.

އެމެރިކާ އަށް ފަހު މުޅި ދުނިޔޭން އެންމެ ގިނަ އަދަދަކަށް މީހުން މަރުވެފައިވަނީ އިނގިރޭސި ވިލާތުންނެވެ. އެ ގައުމުގެ 35،341 މީހުން މަރުވެފައިވާއިރު، 248،818 މީހުން ވަނީ މި ބައްޔަށް ޕޮޒިޓިވްވެފައެވެ.

އޭޝިއާ ބައްރުގައި ކޮވިޑް-19ގެ ނުރައްކާ އެންމެ ބޮޑު އިންޑިއާ އިން ގާތްގަނޑަކަށް 112،015 މީހުން ޕޮޒިޓިވްވެފައިވާއިރު، ތިން ހާހަށްވުރެ ގިނަ މީހުން ވަނީ މަރުވެފައެވެ.

ދުނިޔޭގެ އެހެން ގައުމުތަކެކޭ އެއްފަދައިން ރާއްޖޭގައި ވެސް ކޮވިޑް-19ގެ ނުރައްކާ މިހާރު ބޮޑުވެފައިވާއިރު، މިހާތަނަށް އައިއިރު 1,186 މީހުން މި ބައްޔަށް ޕޮޒިޓިވްވެ، ހަތަރު މީހުން ވަނީ މަރުވެފައެވެ.