ސައުދީގެ ވެރިރަށް ރިޔާދުގައި ހުންނަ އެމެރިކާގެ އެމްބަސީއަށް އީރާނުން ހަމަލާދީފިއެވެ.
ބޭރުގެ ހަބަރުތައް ގެނެސްދޭ މީޑިއާތަކުން ރިޕޯޓްކޮށްފައިވާ ގޮތުން އީރާނުގެ ހަމަލާ އެމްބަސީއަށް އަރާފައި ވީ ނަމަވެސް ޑިމްޕޮމޭޓުން ތިއްބަވާ ކޮމްޕައުންޑަށް މާބޮޑު ގެއްލުން ލިބިފައެއް ނުވެއެވެ. އީރާނުން މި ހަމަލާ ދީފައިވަނީ އޭގެ ޒާތުގައި ޖެހި ގޮވާގޮތަށް ތައްޔާރު ކޮށްފައިވާ 2 ޑްރޯނެއް ބޭނުން ކޮށްގެންނެވެ. ހަބަރުތައް ބުނާގޮތުން، އީރާނުން އެމްބަސީއަށް ހަމަލާ ދިން ވަގުތު އެ އެމްބަސީ ހުރީ ހުހަށެވެ
އީރާނުން ވަނީ ޑްރޯން ބޭނުންކޮށްގެން ސައުދީގައި ހުންނަ އެމެރިކާގެ އެހެން ބައެއް މަގާމުތަކަށް ވެސް ހަމަލާ އަމާޒު ކޮށްފައެވެ. ނަމަވެސް އެތަންތަނަށް ގެއްލުމެއް ލިބުނު ކަމަށް ރިޕޯޓްކޮށްފައެއް ނުވެއެވެ.
މެދުއިރުމަތީގައި ހިނގަމުންދާ ހަމަނުޖެހުންތައް މިހާރު މިވަނީ އައު ހަރުފަތަކަށް ވާސިލުވެފައިވާއިރު މެދުއިރުމަތީގައި ހުންނަ އެމެރިކާގެ މަގާމުތަކަށް އަމާޒުކޮށް އީރާނުން ހަމަލާ ދެމުން ގެންދާތީ، އެ ސަރަހައްދުގެ ގައުމުތަކުގައި ތިބި އެމެރިކާގެ ރައްޔިތުން ވަގުތުން ފައިބަން އެމެރިކާގެ ސަރުކާރުން ވަނީ އަންގާފައެވެ.
