ކޮވިޑް 19 އިން އަރައިގަތުމަށް ކުރެވޭ މަސައްކަތްތަކުގެ ތެރެއިން ، ރަޝިޔާގެ ފޮރިން މިނިސްޓަރ ސަރްގޭ ލަވްރޯފްއަށް ފޮރިން މިނިސްޓަރ އަބްދުﷲ ޝާހިދު މިއަދު ފޯނުން ގުޅުއްވައި، ކޮވިޑް-19 އާއި ގުޅޭ ގޮތުން މަޝްވަރާކުރައްވައިފިއެވެ.
ދެބޭފުޅުން މިއަދު ދެއްކެވި ވާހަކަފުޅުގައި ކޮވިޑް-19 އާ ދެކޮޅަށް ދެޤައުމުން އަޅާފައިވާ ފިޔަވަޅުތަކާ ބެހޭ ގޮތުންނާއި، ދެޤައުމަށް ދިމާވެފައިވާ ގޮންޖެހުންތަކާ ބެހޭ ގޮތުން މަޝްވަރާކުރެއްވިއެވެ. އަދި ކޮވިޑް-19ގެ ސަބަބުން ދެޤައުމަށް މާލީ އަދި އިޤްތިޞާދީ ގޮތުން ކުރިމަތިވާނެ ގޮންޖެހުންތަކާ ބެހޭ ގޮތުންވެސް ދެބޭފުޅުން މަޝްވަރާކުރެއްވިއެވެ. އަދި ހަމައެއާއެކު ކޮރޯނާ ވައިރަސްއާ ދެކޮޅަށް ކުރެވޭ މަސައްކަތުގައި ދެޤައުމު ގުޅިގެން މަސައްކަތްތަކެއް ކުރުމަށްވެސް ދެ ވަޒީރުން މަޝްވަރާކުރެއްވިއެވެ.
A pleasure to speak with FM of Russia Mr. Sergey Lavrov on the phone to discuss cooperation between the #Maldives and #Russia to counter #covid19 especially to overcome the economic and financial impacts of the pandemic, and welfare of Maldivian students in Russia. @mfa_russia pic.twitter.com/bljzX5SOto
— Abdulla Shahid (@abdulla_shahid) April 27, 2020
މިނިސްޓަރ ޝާހިދު ވަނީ ރާއްޖެއަށް ކޮވިޑް-19 އިން ލިބޭނެ ގެއްލުންތަކުން އަރައިގަތުމަށް ކުރާ މަސައްކަތުގައި ރަޝިޔާގެ އެހީތެރިކަމަށް އެދިވަޑައިގެންފައެވެ. އަދި މިވަގުތު ރަޝިޔާގައި ތިބި ދިވެހި ދަރިވަރުންގެ ޙާލަތާ ބެހޭ ގޮތުން ދެ ވަޒީރުން ވަނީ މަޝްވަރާކުރައްވާފައެވެ.
