މަގުމަތީގެ ޙަރަކާތްތައް މޮނިޓަރ ކުރުމަށްޓަކައި އައްޑޫސިޓީގެ އިތުރު 2 ސަރަޙައްދެއްގައި ޕޮލިސް ސީސީ ކެމެރާ ހަރުކޮށްފިއެވެ.
ކުށްކުރާ ފަރާތްތައް ފަސޭހައިން ހޯދުމަށް މަގުފަހި ކުރުމާއެކު މަގުމަތީގެ ޙަރަކާތްތައް މޮނިޓަރ ކުރުމުގެ މަޤްޞަދުގައި އައްޑޫސިޓީގައި މީގެ ކުރިންވެސް ވަނީ ކެމެރާތަކެއް ހަރުކުރެވިފައެވެ.
2013 ވަނަ އަހަރުގެ ޑިސެމްބަރ ގައި ސީސީޓީވީ ކެމެރާ ހަރުކޮށް ކެމެރާ ސަވައިލެންސް ސިސްޓަމް އައްޑޫސިޓީގައި އިފްތިތާހު ކުރުމަށް ފަހު މިވީހާތަނަށް 4 ސަރަޙައްދެއްގައި 8 ސީސީޓިވީ ކެމެރާ ހަރުކުރެވިފައިވާ ކަމަށް ފުލުހުންގެ އިދާރާއިން މަޢުލޫމާތު ދެއްވައެވެ.
މާލެ ފިޔަވައި ރާއްޖޭގެ އެންމެ އާބާދީ ބޮޑު އައްޑޫސިޓީ ގެ ލިންކްރޯޑުގެ އެކި ސަރަޙައްދުތަކުގައި ސީސީޓީވީ ކެމެރާ ހަރުކޮށް ކެމެރާ ސަވައިލެންސް ސިސްޓަމް ބެހެއްޓުމުގެ މަސައްކަތަކީ ފުލުހުން ކުރަމުންދާ މަސައްކަތް ފަސޭހަކޮށް މަގުމަތީގެ ޙާދިސާ ތައް މަދު ކުރުމަށްޓަކައި ފުލުހުންގެ މަގު ޗާޓުގައި ހާސިލްކުރުމަށް ކަނޑައަޅާފައިވާ މުހިއްމު ލަނޑުދަނޑިއެކެވެ.
Today, we have installed Police CCTV cameras in 2 new locations of #AdduCity. We are working to install more CCTV cameras around Addu City in the near future.#AdduCityPolice#PoliceICTD#AvahteriFuluhun pic.twitter.com/JxL3jXFNjl
— Maldives Police (@PoliceMv) April 7, 2020
