ކޮވިޑް-19 ގެ ވައިރަސް ޖެހިގެން މަރުވިމީހުންގެ އަދަދު 8 ހާހަށްވުރެ މައްޗަށް އަރައިފި އެވެ.
ޗައިނާގެ ވުހާން ހިމެނޭ ހުބޭއި ޕްރޮވިންސުން މިދިޔަ އަހަރުގެ ފަހުކޮޅު ފެނުނު ނުރައްކާތެރި ކޮރޯނާވައިރަސް (ކޮވިޑް-19) ޖެހިގެން މަރުވި މީހުންގެ އަދަދު 8،000 ހަށްވުރެ މައްޗަށް އަރައިފި އެވެ. ދުނިޔޭގެ އެކި ހިސާބުތަކަށް މި ވައިރަސް ފެތުރެމުން އަންނަ އިރު މިހާތަނަށް 2 ލައްކަ އަށްވުރެ ގިނަ މީހުންނަށް ވަނީ މި ބަލި ޖެހިފަ އެވެ.
ޖޯން ހޮޕްކިންސް ޔުނިވަރސިޓީ އިން ހަދާފައިވާ ދިރާސާ ދައްކާ ގޮތުގައި މި ބަލި ޖެހުނު މީހުންގެ ތެރެއިން 80،000 އަށްވުރެ ގިނަ މީހުން ވަނީ ބަލިން ސަލާމަތް ވެފައެވެ.
ދުނިޔޭގެ ޞިއްޙަތު ޖަމިއްޔާއިން ވަނީ ވައިރަސް ފެތުރުން ކޮންޓްރޯލް ކުރުމަށް އަޅާފައިވާ ފިޔަވަޅުތައް އިތުރަށް ވަރުގަދަ ކުރުމަށް ދުނިޔޭގެ ޤައުމުތަކަށް ގޮވާލާފަ އެވެ.
ޤައުމުތަކުން އަންނަނީ ވައިރަސް ފެތުރުން ކޮންޓްރޯލް ކުރުމަށް ބޯޑަރު ބަންދުކޮށް ލޮކްޑައުން ކުރަމުންނެވެ. މީގެ ސަބަބުން އެކި ޤައުމުތަކުގެ އިޤްތިޞާދަށް ބޮޑު ހީނަރުކަމެއް އަންނާނެ ކަމަށް ލަފާކުރެވޭ ކަމަށް ދުނިޔޭގެ މަސްރަހު ދިރާސާ ކުރާ ފަރާތްތަކުން މައުލޫމާތު ދެއެވެ.
