ބޮލީވުޑްގެ މަޝްހޫރު ތަރި ޝިލްޕާ ޝެޓީ ކުންދްރާ އާއި އޭނާގެ ފިރިމީހާ ރާޖް ކުންދްރާއަށް އަންހެން ކުއްޖަކު ލިބިއްޖެ އެވެ.
އެ ދެމަފިރިންގެ މިހާރުވެސް ހަތް އަހަރުގެ ފިރިހެން ކުއްޖަކު ހުރެއެވެ. އެއީ ވިއާން ރާޖް ކުންދްރާ އެވެ.
???????? ?????? ???????
Born: February 15, 2020
~
Please bestow our angel with all your love and blessings??❤
~
Ecstatic parents:
Raj and Shilpa Shetty Kundra#SamishaShettyKundra #daughter #MahaShivratri pic.twitter.com/ClH9AAO4rR— SHILPA SHETTY KUNDRA (@TheShilpaShetty) February 21, 2020
ޝިލްޕާ އޭނާގެ ޓްވިޓާ އާއި އިންސްޓަގްރާމްގައި އިއްޔެ ކުރި ޕޯސްޓެއްގައި ބުނެފައި ވަނީ އޭނާގެ އަންހެން ދަރިފުޅު އުފަންވީ ފެބްރުއަރީ 15 ވަނަ ދުވަހު ކަމަށާއި، ނަމަވެސް އެ ޚަބަރު ރަސްމީކޮށް އިއުލާންކުރަން ބޭނުންވީ ‘މަހާޝިވްރާތުރީ’ ދުވަހު ކަމަށެވެ. ޝިލްޕާ އާއި ރާޖްގެ ދެވަނަ ދަރިފުޅަށް ކިޔަނީ ސަމީޝާ ޝެޓީ ކުންދްރާ އެވެ.
އެ ޕޯސްޓާއެކު ޝިލްޕާ ވަނީ އޭނާގެ ތުއްތު އަންހެން ދަރިފުޅުގެ ފޮޓޯއެއްވެސް ފޭނުންނާއި ހިއްސާކޮށްފަ އެވެ. އެ ފޮޓޯއިން ފެންނަނީ ދަރިފުޅު، ޝިޕްލާގެ އިނގިއްޔެއްގައި ހިފައިގެން އިން މަންޒަރެވެ. ނަމަވެސް އެ ފޮޓޯއިން ދަރިފުޅުގެ މޫނެއް ނުފެނެއެވެ.
ޝިލްޕާ އާއި ރާޖް އަށް ކުއްޖަކު ލިބުނީ ސަރޮގެސީ މެދުވެރިކޮށް ކަމަށް ގިނަ ބަޔަކު މިހާރު ބުނަމުންދިޔަ ނަމަވެސް، އަދި އެކަން ކަށަވަރުވާ ގޮތެއް ނުވެއެވެ.
ބޮޑު ސްކްރީނުން ޝިލްޕާ ނުފެންނަތާ ގިނަ ދުވަސްތަކެއް ވެފައިވާއިރު، އޭނާ ފިލްމީ ދާއިރާއަށް އަލުން ނިކުންނަނީ ފިލްމް “ނިކައްމާ” އިންނެވެ. މީގެ އިތުރުން “ހަންގާމާ”ގެ ދެވަނަ ބައިންވެސް ޝިލްޕާ ފެނިގެންދާނެ އެވެ.
